IPL 2024 match :

ఐపీఎల్-17ను సన్‌రైజర్స్ హైదరాబాద్(Hyderabad) ఓటమితో మొదలుపెట్టింది. కోల్‌కతా వేదికగా శనివారం జరిగిన తొలి మ్యాచ్‌లో కోల్‌కతా నైట్‌రైడర్స్‌(Kolkata Knight Riders) చేతిలో 4 పరుగుల తేడాతో పోరాడి ఓడింది. టాస్ ఓడి ముందుగా బ్యాటింగ్ చేసిన కోల్‌కతా నిర్ణీత ఓవర్లలో 208/7 స్కోరు చేసింది. రస్సెల్(64 నాటౌట్, 25 బంతుల్లో 3 ఫోర్లు, 7 సిక్స్‌లు) విధ్వంసకర ఇన్నింగ్స్ ఆడాడు. ఓపెనర్ ఫిలిప్ సాల్ట్(54) హాఫ్ సెంచరీతో మెరిశాడు. రమన్‌దీప్(35), రింకు సింగ్(23) విలువైన పరుగులు జోడించారు. హైదరాబాద్ బౌలర్లలో నటరాజన్(3/32) సత్తాచాటాడు. అనంతరం 209 పరుగుల భారీ లక్ష్య ఛేదనలో హైదరాబాద్ నిర్ణీత ఓవర్లలో 204/7 స్కోరుకే పరిమితమైంది. జట్టును గెలిపించేందుకు క్లాసెన్(63, 29 బంతుల్లో 8 సిక్స్‌లు) చేసిన పోరాటం వృథా అయ్యింది. హాఫ్ సెంచరీతోపాటు 2 వికెట్లు తీసి కేకేఆర్ విజయంలో కీలక పాత్ర పోషించిన రస్సెల్ ప్లేయర్ ఆఫ్ ది మ్యాచ్‌గా నిలిచాడు.

Follow us on : Facebook, Instagram, YouTube & Google News

ఇది చదవండి: సొంతగడ్డపై అదరగొట్టిన రోహిత్ శర్మ

మరిన్ని తాజా వార్తల కోసం ఇక్కడ క్లిక్ చేయండి.

CVR న్యూస్ తెలుగు వాట్సాప్ ఛానల్ ఫాలో అవ్వండి