నిర్మల్ జిల్లా భైంసా పట్టణంలో పెట్రోల్ కొరత వాహనదారులను ఇబ్బందులకు గురిచేస్తోంది. గత వారం రోజులుగా వాహనదారులకు పెట్రోల్​, డీజిల్ అందటం లేదు. అధికారులు కొరత లేదని చెబుతున్నా బంక్ లలో నో స్టాక్ బోర్డులు దర్శనం ఇస్తున్నాయి. భైంసాలో మొత్తం 5 పెట్రోల్​ బంకులు ఉండగా నాలుగు బంకుల్లో పెట్రోల్ ,డీజిల్ కొరత ఉంది. ఉదయం నుంచి సాయంత్రం వరకు పెట్రోల్ కోసం రిలయన్స్​ బంకులో రద్దీ ఉంటుంది. డీజిల్ కొరత వల్ల ట్రాక్టర్లు లేక వ్యవసాయ పనులు ముందుకు సాగటం లేదని ఆవేదన వ్యక్తం చేస్తున్నారు.