మహిళా సాధికారత కోసం ఎల్లప్పుడు ఎన్టీఆర్ ట్రస్ట్ ముందుంటుందని ఎమ్మెల్సీ కంచెర్ల శ్రీకాంత్, ఎన్టీఆర్ ట్రస్ట్ సీఈఓ రాజేంద్ర కుమార్ తెలిపారు. చిత్తూరు జిల్లా కుప్పంలో ఎన్టీఆర్ ట్రస్ట్ ఆధ్వర్యంలో మహిళలకు ఉచిత కుట్టు మిషన్ ను కార్యక్రమాన్ని ప్రారంభించారు. చంద్రబాబు సతీమణి నారా భువనేశ్వరి నిజం గెలవాలి కార్యక్రమం లో భాగంగా కుప్పం పర్యటనకి వచ్చినపుడు మహిళలు చాలా మంది తమకు ఉచిత కుట్టు శిక్షణ కేంద్రం కావాలని కోరారు. ఉచిత శిక్షణ కేంద్రం కుప్పంలో ఏర్పాటు చేస్తామని నారా భువనేశ్వరి హామీ ఇచ్చారు. ఇచ్చిన హామీ ని కట్టుబడి ఉచిత కుట్టు శిక్షణ కేంద్రాన్ని ప్రారంభించామని అన్నారు. మహిళా సాధికారత కోసం చంద్రబాబు, ఆయన సతీమణి నారా భువనేశ్వరి ఎల్లప్పుడు ముందుంటారని తెలిపారు. భవిషత్తులో కూడా మరిన్ని సెంటర్లు ఏర్పాటుచేసి మరింత చేయూత అందిస్తామన్నారు. ఒక్క సెంటర్లో రోజుకి యాభై మంది మహిళలకు శిక్షణ ఇస్తామని, మహిళలు ఈ అవకాశాన్ని సద్వినియోగం చేసుకోవాలని కోరారు.