Vivo T3 5G కొత్త ఫోన్ లాంచ్ డేట్ ప్రకటించింది..

వివో ఇండియాలో విడుదల చేయబోతున్న అప్ కమింగ్ స్మార్ట్ ఫోన్ వివో టి3 5జి(Vivo T3 5G) గురించి కొత్త విషయాలను కూడా వెల్లడించింది. ఈ స్మార్ట్ ఫోన్ యొక్క డిజైన్ మరియు కెమెరా సెటప్ లను మాత్రమే టీజర్ ఇమేజ్ ద్వారా ముందుగా అందించింది. అయితే, ఇప్పుడు ఈ వివో అప్ కమింగ్ స్మార్ట్ ఫోన్ యొక్క ప్రాసెసర్ మరియు కెమెరా వివరాలను కూడా కంపెనీ బయటపెట్టింది. వివో అప్ కమింగ్ స్మార్ట్ ఫోన్ T3 5జి, మార్చి 21 వ తారీఖున మధ్యాహ్నం 12 గంటలకి ఇండియన్ మార్కెట్లో విడుదల కాబోతోంది. ఈ స్మార్ట్ ఫోన్ కోసం Flipkart సేల్ పార్ట్నర్ గా వ్యవహరిస్తుంది. అందుకే, ఒక ప్రత్యేకమైన మైక్రో సైట్ పేజ్ ద్వారా ఫ్లిప్ కార్ట్ ఈ స్మార్ట్ ఫోన్ గురించి టీజింగ్ ని కూడా మొదలుపెట్టింది. వివో అప్ కమింగ్ ఫోన్ వివో టి3 5జి మంచి డిజైన్ తో కనిపిస్తోంది. ఈ ఫోన్లో వెనుక ట్రిపుల్ రియర్ కెమెరా సెటప్ మరియు ముందు పంచ్ హోల్ సెల్ఫీ కెమెరా డిజైన్ కనిపిస్తున్నాయి.

Follow us on : Facebook, Instagram, YouTube & Google News

ఈ ఫోన్ యొక్క టీజర్ ఇమేజ్ ద్వారా ఈ ఫోన్ చాలా తక్కువ మందంతో స్లీక్ గా ఉన్నట్లు కనిపిస్తోంది. ఇప్పుడు మనం చర్చించుకున్నది కంపెనీ అందించిన టీజర్ ఇమేజ్ ద్వారా మనం చూసిన వివరాలు మాత్రమే సుమీ. అయితే, కంపెనీ ఈ ఫోన్ గురించి రెండు కొత్త వివరాలను కూడా వెల్లడించింది. ఈ స్మార్ట్ ఫోన్ ను మీడియాటెక్ Dimensity 7200 ఆక్టా కోర్ 5జి ప్రాసెసర్ తో తీసుకొస్తున్నట్లు వివో తెలిపింది. అంతేకాదు, ఈ ఫోన్ కెమెరా గురించి కూడా హింట్ ఇచ్చింది. ఈ వివో అప్కమింగ్ ఫోన్ లో వెనుక ఉన్న రియర్ కెమెరాలో OIS సపోర్ట్ కలిగిన Sony మెయిన్ కెమెరా ఉన్నట్లు తెలిపింది. ఈ కెమెరా సెటప్ గురించి పూర్తి వివరాలను మార్చి 18వ తేదీ వెల్లడిస్తుందని కూడా టీజింగ్ చేస్తుంది. అయితే, వాస్తవానికి ఈ ఫోన్ యొక్క పూర్తి వివరాలతో ముందే లీక్ రిపోర్ట్ ఆన్లైన్ లో వెళ్లడయ్యింది. ఈ నివేదికలో తెలిపిన విధంగానే ఈ ఫోన్ అదే ప్రాసెసర్ మరియు కెమెరాను కలిగి ఉన్నట్లు ఇప్పుడు కంపెనీ కన్ఫర్మ్ చేసింది.

ఇది చదవండి: ఎక్స్‌ ప్లాట్‌ఫామ్‌లో కొత్త ఫీచర్ లాంచ్..!

మరిన్ని తాజా వార్తల కోసం ఇక్కడ క్లిక్ చేయండి.

CVR న్యూస్ తెలుగు వాట్సాప్ ఛానల్ ఫాలో అవ్వండి