ఏపీలో టెన్త్, ఇంటర్, ఒకేషనల్ పరీక్షలు రాయబోతున్న విద్యార్థులకు ఉచిత బస్సు సౌకర్యం కల్పిస్తూ ఏపీఎస్ ఆర్టీసీ నిర్ణయం తీసుకుంది. పరీక్షలు జరిగినన్నీ రోజులు పరీక్షా కేంద్రాలకు చేరుకునేందుకు ఉచిత ప్రయాణానికి అవకాశం కల్పించారు. విద్యార్థులు హాల్ టికెట్లు చూపించి ఈ సౌకర్యాన్ని వినియోగించుకోవాలని ఆర్టీసీ ఎండీ సూచించారు.
పల్లె వెలుగు, ఆల్ట్రా పల్లె వెలుగు, సిటీ ఆర్డినరీ బస్సుల్లో ఉచితంగా ప్రయాణ సదుపాయం కల్పిస్తున్నట్లు వెల్లడించారు. టెన్త్ పరీక్షలు మార్చి 18 నుంచి 30వ తేదీ వరకు జరుగుతాయి. ఇంటర్మీడియట్ పరీక్షలు మార్చి ఒకటి నుంచి 20వ తేదీ వరకు జరగనున్నాయి. ఇక ఒకేషనల్ ఇంటర్మీడియట్ పరీక్షలు మార్చి నెల 18 నుంచి 30వ తేదీ వరకు జరగనున్నాయి.
