స్టాక్ మార్కెట్లకు దీపావళి పండుగ చాలా ప్రత్యేకం. పండగ రోజు మార్కెట్లకు సెలవు ఉన్నప్పటికీ గంటసేపు ట్రేడింగ్ జరుపుతారు. దానినే ముహూరత్ ట్రేడింగ్ అంటారు. ఆ రోజు ఇన్వెస్టర్లు స్పెషల్ గా భావిస్తారు. పండగ రోజున పెట్టుబడి పెడితే కచ్చితంగా మంచి లాభాలు వస్తాయని నమ్ముతారు. 2023 ముహూరత్ ట్రేడింగ్ టైమింగ్స్ వెల్లడించింది BSE. ముహూరత్ ట్రేడింగ్ అనేది దీపావళి రోజున జరిగే ఒక గంట ట్రేడింగ్ సెషన్. స్టాక్స్‌లో ఇన్వెస్ట్ చేయడానికి దీన్ని మంచి సమయంగా పరిగణిస్తారు. ఏదైనా కొత్తగా ప్రారంభించేందుకు దీపావళి అనువైన సమయంగా భావిస్తున్నట్లు మార్కెట్ విశ్లేషకులు తెలిపారు. ఏడాది పొడవునా ఈ సెషన్‌లో ట్రేడింగ్ చేయడం వల్ల పెట్టుబడిదారులు ప్రయోజనం పొందుతారని నమ్ముతారు. ముహురత్ సమయంలో వ్యాపారం చేయడం వల్ల శ్రేయస్సు, ఆర్థిక వృద్ధి లభిస్తుందని భావిస్తారు. గత పది ముహూర్తపు ట్రేడింగ్ సెషన్‌లలో, ఏడుసార్లు స్టాక్ మార్కెట్ లు సానుకూల రాబడితో ముగిశాయని మాస్టర్‌ట్రస్ట్ మేనేజింగ్ డైరెక్టర్ హర్జీత్ సింగ్ అరోరా అన్నారు. దీర్ఘకాలిక పెట్టుబడి కోణం నుండి ఈక్విటీలో పెట్టుబడి పెట్టాలని.. ఈక్విటీ మార్కెట్ అసాధారణమైన రాబడిని అందిస్తుందని వివరించారు.