నల్లమలలో పెద్ద పులి కలకలం రేపుతోంది. కృష్ణానదిలో దాహం తీర్చుకోవడానికి వచ్చిన పెద్ద పులి, భయాందోళనలో వైజాగ్ జాలర్లు మత్స్యకారులు పశువుల కాపరులు. అప్రమత్తంగా ఉండాలని ఫారెస్ట్ రేంజర్ శరత్ చంద్ర రెడ్డి హెచ్చరించారు. నాగర్ కర్నూల్ జిల్లా కొల్లాపూర్ మండలం అమరిగిరి సమీపంలోని పాత బొల్లారం దగ్గర పెద్ద పులి సంచారాన్ని గుర్తించారు. మూడు రోజుల క్రితం ఎల్లూరు గ్రామానికి చెందిన మేకల రాముడు మేకను చంపిన పెద్ద పులి. దీంతో వైజాగ్ జాలర్లు, మత్స్యకారులు, పశువుల కాపరులు భయాందోళనకు గురి అవుతున్నారు. ప్రాచీన కాలం నుంచి ప్రసిద్ధిగాంచిన అంకాలమ్మ కోటకు భక్తులు ప్రతి మంగళవారం దర్శనం కోసం వెళ్తుంటారు, భక్తులు గుంపులు గుంపులుగా దర్శనానికి వెళ్లాలని, లేకపోతే వెళ్లొద్దని ఫారెస్ట్ రేంజర్ శరత్ చంద్ర రెడ్డి తెలిపారు. నల్లమల అటవీ ప్రాంతంలో వన్య మృగాల సంచారం పెరిగింది, అడవిలోకి వెళ్లొద్దంటూ హెచ్చరికలు జారీ చేశారు. వన్యప్రాణులకు ప్రాణహాని కల్పిస్తే చట్టపరమైన చర్యలు తీసుకుంటామని తెలిపారు.