నారాయణపేట జిల్లా కేంద్రంలోని సుమారు మూడు చోట్ల ఐటీ అధికారులు సోదాలు నిర్వహించారు. తెల్లవారుజాము నుంచే ఐటీ అధికారులు జిల్లాలో సోదాలు నిర్వహించారు. ఒకరు విశ్రాంత ప్రిన్సిపాల్ కాగా, మరొకరు ప్రముఖ బంగారు వ్యాపారి తో పాటు పత్తి మిల్లు యజమాని ఇంట్లో ఏకకాలంలో సోదాలు చేశారు. ఐటీ అధికారులు దాడులు చేస్తున్నారన్న సమాచారం సోషల్ మీడియా వేదికగా బాగా వైరల్ అయింది. ఎన్నికల వేళ ఐటి అధికారుల సోదాలు నారాయణపేట జిల్లా కేంద్రంలో తీవ్ర కలకలం రేపాయి. ఇండ్లలో సోదాలు జరిపిన ముగ్గురిలో ఇద్దరు అధికార పార్టీకి అనుబంధంగా ఉన్న వారు కావడం, నారాయణపేట జిల్లా కేంద్రంలో తీవ్ర చర్చనీయాంశమైంది. చాలా రోజుల తర్వాత జిల్లా కేంద్రంలో ఐటీ అధికారులు సోదాలు జరపడం విశేషం. ఇదిలా ఉండగా ఐటీ అధికారులు సోదాలు జరపడంతో జిల్లా కేంద్రానికి చెందిన మరి కొంతమంది బడా వ్యాపారులు ఉలిక్కిపడ్డారు.