పచ్చని తోటలతో ఆహ్లాదకరంగా ఉండే కోనసీమలో రోడ్ల పరిస్థితి మరి దయనీయంగా ఉంది. వైసిపి ప్రభుత్వం ఏర్పడి నాలుగు సంవత్సరాలు కావస్తున్న పి గన్నవరం నియోజకవర్గంలో చాలాచోట్ల రోడ్ల పరిస్థితి చాలా అద్వాన స్థితిలో ఉన్నాయి. రోడ్ల పరిస్థితి అద్వానంగా తయారవడంతో నిత్యం ఏదో ఒకచోట ప్రమాదాలు జరుగుతున్నాయని, ఇలాంటి రోడ్లపై ప్రయాణించాలంటే ఎప్పుడు ఎలాంటి ప్రమాదాలు జరుగుతాయో నని ప్రజలు భయపడుతూ తమ ప్రయాణాలను సాగిస్తున్నారు. మా ప్రభుత్వం ఏర్పడిన మూడు సంవత్సరాల్లోనే రాష్ట్రంలో రోడ్లన్నీ పూర్తిగా నిర్మిస్తామని ప్రగల్బాలు పలికిన సీఎం జగన్ మోహన్ రెడ్డి అధికారం చేపట్టి నాలుగున్నర సంవత్సరాలు కావస్తున్న కక్షపూరిత రాజకీయాలు చేస్తున్నారే తప్ప రాష్ట్ర అభివృద్ధిని పట్టించుకోవడంలేదని ప్రజలు ఆవేదన వ్యక్తం చేస్తున్నారు. నిత్యం లగ్జరీ కార్లలో తిరిగే ఎమ్మెల్యే కు ఎన్నిసార్లు మొరపెట్టుకున్నా టెండర్లు వరకు వస్తున్న ప్రక్రియ రోడ్ల నిర్మాణం వరకు ఎందుకు రావట్లేదో అర్థం కాని పరిస్థితి. ఎమ్మెల్యే కమీషన్ కుదరకన లేక కాంట్రాక్టర్లు భయపడి ముందుకు రాకన లేక ప్రభుత్వం నుండి నిధులు రాకన అనేది ఎవరికి అర్థం కావట్లేదని ప్రజలు ఆవేదన వ్యక్తం చేస్తున్నారు. ఈ మధ్యకాలంలోనే మామిడికూదురు మండలం పాసర్లపూడి ప్రధాన రహదారిలో లోడు తో వెళ్తున్న లారీ గుంతల మాయంగా ఉన్న రోడ్డులో అదుపుతప్పి తిరగబడిపోయింది. ఇకనైనా ప్రభుత్వం మొద్దు నిద్ర వీడి ఈ మిగిలిన 6 నెలలో కాలంలోనైనా రోడ్ల నిర్మాణం చేపట్టి ప్రమాదాలను అరికట్టాలని ప్రజలు కోరుకుంటున్నారు.