రాజమండ్రి జైలు నుంచి చంద్రబాబు విడుదల

టీడీపీ అధినేత చంద్రబాబు రాజమండ్రి జైలు నుంచి విడుదలయ్యారు. అనారోగ్య కారణాలతో హైకోర్టు ఆయనకు 4 వారాల మధ్యంర బెయిల్ ఇచ్చింది. స్కిల్ స్కాం కేసులో సెప్టెంబర్ 9న అరెస్టైన బాబు 52 రోజుల అనంతరం బయటకొచ్చారు. బయటకు వచ్చిన చంద్రబాబును చూసి టీడీపీ శ్రేణుల్లో భావోద్వేగాలు మిన్నంటాయి. జై చంద్రబాబు నినాదాలతో జైలు పరిసరాలు మార్మోగిపోయాయి. అనంతరం చంద్రబాబు తెలుగు ప్రజలందరికీ అభినందనలు తెలిపారు. తాను కష్టంలో ఉన్నపుడు తన కోసం ప్రజలు సంఘీభావం తెలిపారన్నారు. ప్రపంచ వ్యాప్తంగా ప్రజలు చూపించిన అభిమానం జీవితంలో మర్చిపోనన్నారు. 45సంవత్సరాల తన జీవింతంలో ఏ తప్పూ చేయలేదని.. చేయబోనని అన్నారు. జనసేనకు, పవన్ కళ్యాణ్ కు, సహకరించిన ఇతర పార్టీలకు అభినందనలు తెలియజేస్తున్నానన్నారు.