శ్రీకాకుళం జిల్లా నరసన్నపేట సూర్య హైట్స్ అపార్ట్మెంట్ లో దొంగతనం జరిగింది. ఐదవ అంతస్తులో ఉంటున్న డెంటిస్ట్ గురుదేవ ఇంట్లో ఈ ఘటన చోటు చేసుకుంది. ఎవరు లేని సమయంలో ఇంట్లోకి దొంగలు చొరబడ్డారు. తెల్లవారుజామున 3 గంటలకు దొంగతనం జరిగినట్టు సీసీటీవీ ఫుటేజ్ లో నమోదైంది. నిన్న సాయంత్రం డాక్టర్ కుటుంబంతో కలసి వేరే ఊరు వెళ్లారు. బాధితుల వివరాల మేరకు, సుమారు 30 తులాల బంగారం, నాలుగు లక్షల నగదు అపహరణ అయినట్టు తెలుస్తుంది. డాక్టర్ పిర్యాదుతో సంఘటన స్థలానికి చేరుకున్న పోలీసులు కేసు నమోదు చేసి దర్యాప్తు చేస్తున్నారు.