నూజివీడులో టీడీపీ కార్యకర్తలు, అభిమానులతో అత్యవసరంగా సమావేశమయ్యారు స్థానిక టీడీపీ నేత ముద్దరబోయిన వెంకటేశ్వరరావు. సభలో ప్రసంగిస్తూ ఒక్కసారిగా ఉద్వేగానికి గురై కన్నీటి పర్యంతమయ్యారు. గత కొన్ని రోజుల క్రితం టీడీపీ అధిష్టానం టికెట్ తనకే కేటాయించిదంటూ నూజివీడు నియోజకవర్గ వ్యాప్తంగా పర్యటించారు కొలుసు పార్ధసారధి. కొలుసు పార్ధసారధి పర్యటనతో తీవ్ర ఆగ్రహాం వ్యక్తం చేస్తున్న ముద్దరబోయిన అభిమానులు. నూజివీడు టీడీపీ సీటు కేటాయింపుపై చంద్రబాబుతో చర్చించి అనంతరం కార్యకర్తలతో ముద్దరబోయిన సమావేశమయారు. నియోజకవర్గ వ్యాప్తంగా మరోమారు ప్రజా అభిప్రాయం సేకరించి వాస్తవ ఫలితం ఆధారంగా తనకు నూజివీడు టీడీపీ టికెట్ ఇవ్వాలని చంద్రబాబును కోరినట్లు తెలిపారు ముద్దరబోయిన. 10 ఏళ్ళుగా నూజివీడు నియోజకవర్గంలో కార్యకర్తలను బలోపేతం చేస్తూ పార్టీ కార్యక్రమాలను భుజాన మోసిన ముద్దరబోయినకు అన్యాయం చెయ్యవద్దని నినాదాలు చేసారు ముద్దరబోయిన వర్గ నాయకులు, కార్యకర్తలు,అభిమానులు.
Follow us on : Facebook, Instagram & YouTube.
మరిన్ని తాజా వార్తల కోసం ఇక్కడ క్లిక్ చేయండి.
Total views : 197669