ఖమ్మంజిల్లా మునిగేపల్లిలో బిఆర్ఎస్ పాలేరు నియోజక వర్గ అభ్యర్థి కందాల ఉపేందర్ రెడ్డి ఎన్నికల ప్రచారాన్ని ప్రారంభించారు. ఆయనకు పార్టీ అభిమానులు ఘన స్వాగతం పలికారు. ఆంజనేయ స్వామి గుడిలో కందాల ప్రత్యేక పూజలు నిర్వహించి, ప్రచారం ప్రారంభించారు.ఈ సందర్బంగా కందాల ఉపేందర్ రెడ్డి మాట్లాడుతూ చెప్పింది చేసేది ఒక్క బీఆర్ఎస్ ప్రభుత్వమేనని అన్నారు. ప్రజలకు ఎల్లవేళలా అందుబాటులో ఉంటా నన్నారు. త్వరలోనే దళితులందరికి దళిత బంధు అందజేస్తామని చెప్పారు. రాష్ట్రాని అభివృద్ధి పధంలో ఉంచిన బిఆర్ఎస్ ని మూడోసారి ఆశీర్వదించి గెలిపించాలని కోరారు.