బీఆర్‌ఎస్‌ను ఓడించే దమ్ము ఎవరికీ లేదని మంత్రి తలసాని శ్రీనివాస్‌యాదవ్‌ అన్నారు. బీఆర్‌ఎస్‌ ఎన్నికల ప్రచారంలో భాగంగా బుధవారం బాగ్‌అంబర్‌పేట డివిజన్‌లోని గజానంద్‌గడ్డ, పాములబస్తీ, పోచమ్మబస్తీ, కుర్మబస్తీలో బీఆర్‌ఎస్‌ అంబర్‌పేట అభ్యర్థి, కాలేరు వెంకటేష్‌, కార్పొరేటర్‌ బి.పద్మావెంకటరెడ్డితో కలిసి ప్రచారం చేశారు. ఈ సందర్భంగా పాదయాత్ర చేసిన మంత్రి తలసాని, ఎమ్మెల్యే కాలేరు వెంకటే్‌షలకు మహిళలు శాలువాకప్పి స్వాగతం పలికారు. కార్యక్రమంలో నియోజకవర్గం బీఆర్‌ఎస్‌ పరిశీలకులు గండ్ర మోహన్‌రెడ్డి, బీఆర్‌ఎస్‌ అధ్యక్షుడు సీ.హెచ్‌.చంద్రమోహన్‌, నాయకులు శ్రీపతిరెడ్డి, పద్మావతి పాల్గొన్నారు.