బీఎస్‌ఎన్‌ఎల్‌ కస్టమర్లు ఫ్యాన్సీ నెంబర్లు కావాలంటే ఆన్‌లైన్‌లో సులభంగా సొంతం చేసుకోవచ్చు. భారత ప్రభుత్వ రంగ టెలికం సంస్థ బీఎస్ఎన్‌ఎల్ (BSNL) కస్టమర్లకు గుడ్‌న్యూస్‌. బీఎస్‌ఎన్‌ఎల్‌ తమ కస్టమర్లు మంచి ఫ్యాన్సీ నెంబర్లను సొంతం చేసుకునే అవకాశం కల్పిస్తోంది. ఈ వేలం పాట ఆన్‌లైన్‌లో నిర్వహిస్తుండడం విశేషం. ఆసక్తిగల కస్టమర్లు ఆన్‌లైన్‌లో పాల్గొని ఫ్యాన్సీ నెంబర్‌తో కూడిన సిమ్‌ కార్డులను సొంతం చేసుకోవచ్చు. నవంబర్‌ 11 నుంచి ఈ ప్రీమియం నెంబర్ల వేలం ప్రారంభమై నవంబర్‌ 20వ తేదీ వరకు కొనసాగుతుంది. ఫ్యాన్సీ నెంబర్లకు ఉండే క్రేజ్‌ను దృష్టిలో పెట్టుకుని బీఎస్‌ఎన్‌ఎల్‌ ఈ నిర్ణయం తీసుకుంది. అయితే ఈ ఫ్యాన్సీ నెంబర్లు ప్రస్తుతం పశ్చిమ బెంగాల్, గుజరాత్, జార్ఖండ్, కేరళ, తమిళనాడు, ఉత్తరప్రదేశ్‌లలో వేలం వేస్తున్నారు. అలాగే.. ప్రస్తుతం దేశంలో రోమింగ్ విధానం లేకపోవడంతో ఏ రాష్ట్రంలో సిమ్‌ను ఏ రాష్ట్రంలో అయినా ఉపయోగించుకోవచ్చు.