లైన్ మ్యాన్ (Line Man) :
తెలుగు, తమిళ సినిమాల్లో విభిన్నమైన సినిమాలు చేస్తూ తనదైన ప్రత్యేకతను సంపాదించుకున్న హీరో త్రిగుణ్. ఇప్పుడీ హీరో ‘లైన్ మ్యాన్’ చిత్రంతో కన్నడ సినీ ఇండస్ట్రీలోనూ గ్రాండ్ ఎంట్రీ ఇవ్వటానికి సిద్ధమయ్యారు. వి రఘుశాస్త్రి దర్శకత్వంలో తెరకెక్కిన ఈ సినిమాను కన్నడ, తెలుగు భాషల్లో విడుదలకు సిద్ధమవుతుండటం విశేషం. మాండ్య ప్రాంతంలోని సమీప గ్రామాల్లోని అక్కడి వాతావరణాన్ని చక్కగా ఆవిష్కరిస్తూ కామెడీ ప్రధానంగా ఈ చిత్రాన్ని రూపొందించారు. రీసెంట్‌గా విడుదలైన ఈ సినిమా ఫస్ట్ లుక్, మోషన్ పోస్టర్‌కు ప్రేక్షకుల నుంచి చాలా మంచి స్పందన వచ్చింది. బుధవారం ఈ సినిమా ట్రైలర్‌ను మేకర్స్ విడుదల చేశారు. ట్రైలర్‌ను గమనిస్తే నటరాజ్ అనే జూనియర్ లైన్ మ్యాన్ ఇంట్రడక్షన్ తో ప్రారంభం అవుతుంది. గ్రామంలో అందరూ నటరాజ్‌ను నట్టు అని పిలుస్తుంటారు. పవర్ స్టార్ రెఫరెన్స్‌తో నటరాజ్ ఇంట్రడక్షన్ ఉంది.
Follow us on : Facebook, Instagram, YouTube & Google News
అలాగే గ్రామంలోని ఇతర పాత్రలను కూడా ఇందులో పరిచయం చేశారు. త్రిగుణ్‌కి ఎదురయ్యే ప్రశ్నలు మనకు నవ్వును తెప్పిస్తుంటాయి. ఆ గ్రామంలో దేవుడమ్మ వెయ్యికి పైగా కాన్పులను చేసుంటుంది. ఆమె 100 వ పుట్టిన రోజును జరుపుకోవటానికి గ్రామస్థులందరూ సిద్ధమవుతారు. అదే సమయంలో గ్రామంలోని వారంత కరెంట్ లేకుండా నాలుగు రోజులు ఉండటానికి నిర్ణయించుకుంటారు. ఆ నిర్ణయానికి కారణమేంటని తెలుసుకోవాలంటే సినిమా చూడాల్సిందేనంటున్నారు మేకర్స్.
ట్రైలర్‌లో తెలియని ఆహ్లదంతో పాటు తెలియని గందరగోళం ఉందని తెలుస్తుంది. లైన్ మ్యాన్ అయిన త్రిగుణ్ ఎందుకని గ్రామానికి కరెంట్ ఇవ్వకుండా ఆపేస్తాడు. అనేది అందరిలోనూ ఆసక్తిని రేపుతోంది. అది తెలియాలంటే మార్చి 15 న విడుదలవుతున్న మూవీ చూడాల్సిందే. ఎంటర్‌టైన్‌మెంట్‌తో పాటు ఎమోషనల్ రోలర్ కోస్టర్ ప్యాక్డ్‌గా సినిమా ఉంటుందని ట్రైలర్ చూస్తుంటే తెలుస్తుంది. మార్చి 15 న ‘లైన్ మ్యాన్’ చిత్రం తెలుగు, కన్నడ భాషల్లో రిలీజ్ కానుంది. ఈ సినిమాతో త్రిగుణ్ కన్నడ సినీ ఇండస్ట్రీలోకి ఎంట్రీ ఇవ్వటమే కాదు.. ప్రాంతీయ సినిమాకున్న హద్దులను సైతం చేరిపేసే ప్రయత్నం చేస్తున్నారు. మాండ్య బ్యాక్ డ్రాప్‌లో తెరకెక్కిన ఈ చిత్రం కచ్చితంగా ఆడియెన్స్‌కు నచ్చుతుందని మేకర్స్ నమ్మకంగా ఉన్నారు.
త్రిగుణ్ హీరోగా నటిస్తోన్న ఈ చిత్రంలో ఇంకా కాజల్ కుందెర్, బి జయశ్రీ, నివిక్ష నాయుడు, హరిణి శ్రీకాంత్, సుజయ్ శాస్త్రి, అపూర్వ శ్రీ తదితరులు కీలక పాత్రల్లో నటించారు. ప్రెస్టీజియస్ పర్పల్ రాక్ ఎంటర్‌టైనర్స్ బ్యానర్‌పై నిర్మితమవుతున్న ఈ చిత్రానికి ప్రచూర పి, కాద్రి మణికాంత్, జ్యోతి రఘుశాస్త్రి, భళా స్టూడియో సహ నిర్మాతలు వ్యవహరిస్తున్నారు. శాంతి సాగర్ హెచ్ జి సినిమాటోగ్రఫీ అందిస్తుండగా, రఘునాథ ఎడిటర్ వర్క్ చేస్తున్నారు. కాద్రి మణికాంత్ సంగీత సారథ్యం వహిస్తున్నారు.
మరిన్ని తాజా వార్తల కోసం ఇక్కడ క్లిక్ చేయండి.
నటీనటులు: త్రిగుణ్, కాజల్ కుందెర్, బి జయశ్రీ, నివిక్ష నాయుడు, హరిణి శ్రీకాంత్, సుజయ్ శాస్త్రి, అపూర్వ శ్రీ, మైకో నాగరాజ్, చేతన్ గంధర్వ, దిలీప్ కుమార్, సందీప్ కెంపగౌడ, శ్రీదత్త, సమర్థ్ నర్సింహులు, సుహైల్ రసూల్, గౌరవ్ శెట్టి తదితరులు
సాంకేతిక వర్గం :
రచన, దర్శకత్వం – వి రఘు శాస్త్రి
నిర్మాణం – పర్పల్ రాక్ ఎంటర్‌టైనర్స్
సహ నిర్మాతలు – ప్రచూర పి, కాద్రి మణికాంత్, జ్యోతి రఘు శాస్త్రి, భళా స్టూడియోస్
ఎగ్జిక్యూటివ్ ప్రొడ్యూసర్ – గణేష్ పాపన్న
సినిమాటోగ్రపీ – శాంతి సాగర్ హెచ్ జి
ఎడిటర్ – రఘునాథ ఎల్
మ్యూజిక్ – కాద్రి మణికాంత్
ఆర్ట్ – సూర్య గౌడ
పి.ఆర్.ఒ – వంశీ కాకా, హరీష్ అరసు
పబ్లిసిటీ డిజైన్స్ – రాజ్సో క్రియేటివ్స్
లేబుల్ – సారిగమ ఇండియా లిమిటెడ్, ఏ ఆర్పి ఎస్ జి గ్రూప్ కంపెనీ
CVR న్యూస్ తెలుగు వాట్సాప్ ఛానల్ ను ఫాలో అవ్వండి