ములుగు జిల్లాలో భారీగా పట్టుబడ్డ గంజాయి..!

by Satya 09/03/2024

written by Satya 09/03/2024

ములుగు జిల్లా(Mulugu District):

పోలీసుల(Police) తనిఖీలలో 500గ్రాముల గంజాయి(Marijuana) పట్టుబడింది. ములుగు జిల్లా వాజేడు మండలం జగన్నాధపురం వై జంక్షన్ వద్ద ఈ ఘటన చోటుచేసుకుంది. చత్తీస్గడ్ రాష్ట్రం భూపాలపట్నం నుండి వెంకటాపురం వస్తున్న ఒక ప్రైవేట్ బస్సును ఆపి పోలీసులు తనిఖీ చేపట్టారు. అది చూసి పారిపోవడానికి ప్రయత్నించిన ఇద్దరిని పోలీసులు పట్టుకుని తనిఖీ చేయగా 500గ్రాముల గంజాయి పట్టుబడింది. వారి వద్ద నుంచి ఒక స్మార్ట్ ఫోన్ ను సైతం పోలీసులు స్వాధీనం చేసుకున్నారు. వాటి విలువ సుమారు 11వేల 750రూపాయలు ఉంటుందని పోలీసులు అంచనా వేశారు. నిందితులపై కేసు నమోదు చేసి రిమాండ్ కు తరలించినట్లు వెంకటాపురం సర్కిల్ సీఐ బండారి కుమార్, వాజేడు ఎస్సై తెలిపారు.

ఇది చదవండి: ఎమ్మెల్సీల నియామకంపై హైకోర్టు సంచలన తీర్పు