నెల్లూరు జిల్లా కందుకూరు నియోజకవర్గంలో ఉలవపాడు ఎంపీడీవో కార్యాలయం ఆవరణంలో ఎంపీడీవో ఎన్. విజయ అధ్యక్షతన గురువారం పెన్షన్ పంపిణీ కార్యక్రమం నిర్వహించడం జరిగింది. ఈ కార్యక్రమానికి ముఖ్యఅతిథిగా ఎమ్మెల్యే మానుగుంట మహేందర్ రెడ్డి విచ్చేసి వృద్ధాప్య మరియు వితంతు, వికలాంగులకు పింఛన్ల పంపిణీ కార్యక్రమం నిర్వహించడం జరిగింది. ఈ కార్యక్రమాన్ని ఉద్దేశించి ఎమ్మెల్యే మానుగుంట మాట్లాడుతూ పెన్షన్లకు 23 వేల కోట్లు సంవత్సరానికి ఖర్చు చేస్తున్న ఏకైక ప్రభుత్వం జగన్మోహన్ రెడ్డి ప్రభుత్వమని ఆయన అన్నారు. గురువారం వైఎస్సార్ పెన్షన్ కానుక పెంపు కార్యక్రమం వేలాది మంది సామాజిక పింఛన్ లబ్ధిదారుల సమక్షంలో జరిగింది. సమాజంలోని వృద్ధులు, దివ్యాంగుల సంక్షేమం కోసం జగన్మోహన్ రెడ్డి అహర్నిశలు పని చేస్తున్నారని ఎమ్మెల్యే తెలిపారు. ఈ పింఛన్ల పెంపు వల్ల జగన్మోహన్ రెడ్డి సామాన్యుల గుండెల్లో గుడి కట్టుకుని ఉన్నారన్నారు. వయోవృద్ధులను మానవతా దృక్పథంతో ఆదుకుంటున్న ఏకైక ప్రభుత్వం జగన్మోహన్ రెడ్డి ప్రభుత్వమని ఎమ్మెల్యే మానుగుంట మహీధర్ రెడ్డి తెలిపారు. ఆంధ్రప్రదేశ్లో 60 లక్షల పై చిలుకు సామాజిక పింఛన్ దారులు పింఛన్ తీసుకుంటున్నారని, ఇది గత ప్రభుత్వంతో పోలిస్తే రెండు రెట్లు అధికమని ఎమ్మెల్యే వివరించారు.