పెద్దల సభలో.. చిల్లర వేషాలు..

పెద్దల సభలో ఉంటూ చిల్లర వేషాలు వేస్తున్నారు ట్విట్టర్ రెడ్డి అంటూ విజయసాయి రెడ్డి పై నిప్పులు చెరిగారు బిజేపి రాష్ట్ర అధికార ప్రతినిధి సామంచి శ్రీనివాస్. తిరుపతి ప్రెస్క్లబ్లో ఏర్పాటు చేసిన మీడియా సమావేశంలో సామంచి శ్రీనివాస్ మాట్లాడుతూ ట్విట్టర్ రెడ్డి విజయసాయి రెడ్డిపై 13 ఛార్జిషీట్ లు,
ఐపీసీ 120 (B), 409, 427 (A), మనీలాండరింగ్, అవినీతి కేసులలో విజయసాయి రెడ్డి A2 గా బెయిల్ మీద ఉన్నారని,జగతి పబ్లికేషన్స్ లో నల్లధనాన్ని తెల్లధనంగా మార్చడంలో విజయసాయి రెడ్డి కింగ్ పిన్ అని సిబిఐ పిటిషన్ వేసిన విషయాన్ని మరిచావా విజయసారెడ్డి అని ప్రశ్నించారు. బెయిల్ మీద ఉన్న విజయసాయి రెడ్డి కూడా విమర్శలు చేయడమా అంటూ ఎద్దేవా చేసారు.ఏ1, ఏ2 లు ఇద్దరికి త్వరలో బెయిల్ రద్దు కావడం ఖాయమని,సిఎం జగన్మోహన్ రెడ్డి, విజయసాయి రెడ్డి ఇద్దరూ త్వరలో చర్లపల్లి జైలుకు వెళతారు అంటు తీవ్రస్థాయిలో ఆరోపించారు బిజెపి అధికార ప్రతినిధి శ్రీనివాస్.ప్రతి శుక్రవారం హాజరు కావాల్సి ఉన్నా 3000 సార్లుకు పైగా కోర్టుకు డుమ్మా కొట్టంది మీ ముఖ్యమంత్రి కాదా అంటూ ప్రశ్నించారు.మద్యం అమ్మకాల్లో డిజిటల్ విధానం ఎందుకు అమలు చేయరు అంటూ సూటిగా ప్రశ్నించారు బిజెపి అధికార ప్రతినిధి సామంచి శ్రీనివాస్. కచ్చితంగా రాబోవు రోజుల్లో వీరంతా జైలుకు వెళ్లడం ఖాయమని అన్నారు.