రామభద్రపురం మండలంలో అరుదైన జాతికి చెందిన పిల్లి మృతి చెందింది. రామభద్రపురం గ్రామ సమీపంలో జాతీయ రహదారిపై ఆదివారం వేకువ జామున గుర్తు తెలియని వాహనం ఢీకొట్టడంతో ఈ పిల్లి మృతి చెందింది. ఈ పిల్లిని ఫిషింగ్ క్యాట్ (బవురు పిల్లి) అంటారని ఇది అంతరించిపోతున్న అరుదైన జాతి అని అటవీశాఖ అధికారులు చెబుతున్నారు. ఘటనా స్థలానికి చేరుకున్న అధికారులు ఈ పిల్లిని స్వాదీనం చేసుకున్నారు. ఈ పిల్లి చూడటానికి నల్ల మచ్చలతో చిరుత పులి పిల్లలా కనిపించడంతో స్థానిక ప్రజలు భయాందోళనకు గురి అయ్యారు. ఇది రాత్రి పూట ఎక్కువగా తిరుగుతూ ఉంటుంది ఇది చేపలను, కప్పలను, పాములను, పక్షులను, కోళ్లను ఆహారంగా తీసుకుంటుంది.