శ్రీ సత్య సాయి జిల్లా పుట్టపర్తి నియోజకవర్గం లో టిడిపి అధినేత చంద్రబాబు సతీమణి నారా భువనేశ్వరి పర్యటించారు. చంద్రబాబు జైలుకు వెళ్లినప్పుడు మనస్థాపంతో హఠాన్మరణం చెందిన పుట్టపర్తి మండలం గాజులపల్లికి చెందిన బావయ్య కుటుంబ సభ్యులను పరామర్శించారు. అధైర్య పడద్దండి పార్టీ అన్ని విధాలుగా అండగా ఉంటుందని బావయ్య కుటుంబ సభ్యులకు భరోసా ఇచ్చారు. వారి కుటుంబ వివరాలు అడిగి తెలుసుకున్నారు. అనంతరం బాబాయి కుటుంబ సభ్యులకు మూడు లక్షల రూపాయల చెక్కును అందజేశారు. అక్కడ నుంచి ఓబుల దేవర చెరువు మండలం గాజుకుంటపల్లికి చేరుకున్నారు. టిడిపి కార్యకర్త మేకల రామచంద్ర ఇంటికి వెళ్లి ఆయన చిత్రపటానికి పూలమాలలు వేసి నివాళులర్పించారు. అనంతరం రామచంద్ర కుటుంబ సభ్యులను ఆమె పరామర్శించారు. అనంతరం పార్టీ తరఫున రామచంద్ర కుటుంబ సభ్యులకు మూడు లక్షల రూపాయల చెక్కును అందజేశారు. భవిష్యత్తులోనూ పార్టీ మీకు అన్ని విధాలుగా అండగా ఉంటుందని వారికి ధైర్యం చెప్పారు. భువనేశ్వరి వెంట మాజీమంత్రులు పరిటాల సునీత పల్లె రఘునాథ్ రెడ్డి, ఎమ్మెల్సీ పంచుమర్తి అనురాధ పాల్గొన్నారు. Read Also..

Follow us on : Facebook, Instagram & YouTube.