దక్షిణకాశీ గా భాసిల్లుతున్న ద్రాక్షారామ శ్రీ మాణిక్యాంబ సమేత శ్రీ భీమేశ్వర స్వామి వారి దివ్య కళ్యాణ మహోత్సవం అంగరంగ వైభవంగా జరిగింది. ఆలయ ప్రాగణంలో ఒకే వేదికపై శ్రీ మాణిక్యంబ సమేత భీమేశ్వర స్వామి వార్లకు, శ్రీ లక్ష్మీ సమేత నారాయణ స్వామి వారికి శ్రీ చండికా సమేత సూర్యేశ్వర స్వామి వారికి కళ్యాణ మహోత్సవాలు జరిగాయి.
తలంబ్రాల ఘట్టం అత్యంత వైభవపేతంగా జరిగింది. తిరుమల తిరుపతి దేవస్థానం నుంచి వచ్చిన పట్టు వస్త్రాలను బి సి సంక్షేమ శాఖ మంత్రి చెల్లుబోయిన వేణు దంపతులు, కలెక్టర్ హిమాన్స్ శుక్ల అమ్మవారికి, స్వామి వారికి బహుకరించారు. ఆలయంలో మహిళల కోలాట నృత్యాలు, డప్పు వాయిద్య బృందాలను భక్తులను విశేషంగా ఆకట్టుకున్నాయి.
