పల్నాడుజిల్లా నరసరావుపేటలో జిల్లా కలెక్టరేట్ కార్యాలయం వద్ద అంగన్వాడీలు ఆందోళన చేశారు. కలెక్టర్ కార్యాలయం గేటు వద్ద బైఠాయించిన అంగన్వాడీలు, తమ న్యాయపరమైన సమస్యలు పరిష్కరించాలని డిమాండ్ చేశారు. కలెక్టర్ కార్యాలయంలోకి ఉద్యోగులు వెళ్లకుండా అంగన్వాడిలు గేటు ముందు బైఠాయించారు. ఈ సందర్భంలో అంగన్వాడీ సంఘ నాయకురాలు హెల్డా మాట్లాడుతూ. రాష్ట్ర వ్యాప్తంగా లక్ష ఆరు వేల మంది అంగన్వాడీలు రొడ్ఫున పడి సమ్మె చేస్తుంటే, ఈరోజు సీఎం జగన్మోహన్ రెడ్డికి కనపడకపోవడం దారుణం అన్నారు. కనీస వేతనం ప్రకటించే వరకు మేము ధర్నాని ఆపమని అన్నారు. మేము మా సమస్యలు పరిష్కరించాలని ఆందోళన చేస్తుంటే, మా వెనుక టీడీపీ నేతలు ఉండి ధర్నా చేపిస్తున్నారని లేనిపోని విమర్శలు వైసీపీ నేతలు అనడం మరింత బాధ కలిగించింది అన్నారు. మేము కనీస వేతనం మాత్రమే ఆడిగాము కానీ, మేము ఏమి గొంతెమ్మ కోర్కెలు అడగలేదు అన్నారు. కనీస పరిజ్ఞానం కూడా లేని ప్రభుత్వ మంత్రులను మా వద్దకు చర్చలకు పంపిస్తున్నారు అన్నారు. ప్రభుత్వం ఇప్పటికైనా స్పందించి మా డిమాండ్లను నెరవేర్చాలి చేశారు అని తెలియజేశారు.

Read Also..