రాతియుగం వైపు వెళతారా… స్వర్ణయుగం కోసం నాతో వస్తారా? అని చంద్రబాబునాయుడు ప్రశ్నించారు. వైసీపీ పాలనలో రాష్ట్రం ధ్వంసమైందని విమర్శించారు. ఆళ్లగడ్డలో నిర్వహించిన ‘రా కదలిరా’ బహిరంగసభలో జగన్ సర్కార్ పై చంద్రబాబు నిప్పులు చెరిగారు. ఐదేళ్లలో యువత నిరుద్యోగులుగా మారారని ఆవేదన వ్యక్తం చేశారు. భస్మాసురుడి లాంటి నేతను తెచ్చుకుని కష్టాలు పడుతున్నామన్నారు. యువత టిడిపి – జనసేన జెండా పట్టుకుని ప్రజల్లో చైతన్యం తీసుకురావాలని టిడిపి అధినేత పిలుపునిచ్చారు.