ఛార్జింగ్‌(Charging)లో ఉన్నప్పుడు స్మార్ట్‌ఫోన్(Smartphone) కొద్దిగా వేడెక్కడం సాధారణం, కానీ ఫోన్ చాలా వేడిగా ఉంటే అది పెద్ద సమస్యకు సంకేతం. ఓవర్‌ఛార్జ్ అవడం వల్లనో లేదా మూసివేసిన, వేడి గదిలో ఫోన్‌ను ఛార్జ్ చేయడం వంటి ఏదైనా కారణం వల్ల ఈ సమస్య రావచ్చు. ఫోన్ పనితీరు(Phone performance), బ్యాటరీ లైఫ్(Battery life) ని కూడా ప్రభావితం చేస్తుంది. ఈ సమస్యను ఎలా నిలువరించాలో ఇప్పుడు తెలుసుకుందాం. మీరు ఫోన్ లో సినిమా చూసినప్పుడల్లా లేదా గేమ్ ఆడినప్పుడు లేదా ఏదైనా పెద్ద యాప్‌ని ఉపయోగించినప్పుడు ఫోన్‌కు నిరంతరం దాని CPU,GPU నుండి చాలా ప్రాసెసింగ్ పవర్ అవసరం. ఈ పరిస్థితిలో ఫోన్ ని ఆపరేట్ చేస్తూ. ఫోన్ ని ఛార్జింగ్‌ లో పెడితే మీరు మీ డివైజ్ ని దాని పరిమితికి నెట్టివేసి, థర్మల్ ఓవర్‌లోడ్‌కు గురయ్యే ప్రమాదం ఉంది. అటువంటి పరిస్థితిలో మల్టీ టాస్కింగ్‌కు బదులుగా బ్యాటరీ తక్కువగా ఉన్నప్పుడు ఫోన్‌ను ఛార్జ్ చేయనివ్వండి.

ఇది చదవండి: Realme 12 సిరీస్‌లో సరికొత్త స్మార్ట్‌ఫోన్‌ లాంచ్..!

మీరు మీ బ్యాటరీని ఛార్జ్ చేయడానికి థర్డ్ పార్టీ ఛార్జర్ లేదా కేబుల్‌ని ఉపయోగిస్తే ఫోన్‌కు హాని కలిగించే ప్రమాదం ఉంది. డూప్లికేట్ ఛార్జర్‌ల వల్ల ఫోన్ కి ఛార్జింగ్ సరిగా జరగదు. అటువంటి పరిస్థితిలో అది వేడెక్కడం ప్రారంభమవుతుంది. కాబట్టి నకిలీ లేదా లోకల్ కేబుల్ ఛార్జర్‌లను వాడకూడదు. అధికారిక లేదా బ్రాండెడ్ థర్డ్ పార్టీ ఛార్జర్‌లను మాత్రమే ఉపయోగించాలి. ఇది కాకుండా, ఫోన్ బ్యాటరీ లైఫ్ ని కూడా జాగ్రత్తగా చూసుకోవాలి. మీ ఫోన్ యొక్క అంతర్గత భాగాలకు గాలి అవసరం. ఛార్జింగ్ చేస్తున్నప్పుడు మీ డివైజ్ లో తగినంత స్పేస్ లేదా వెంటిలేషన్ లేనట్లయితే అంతర్గత భాగాల ద్వారా ప్రొడ్యూస్ చేయబడిన వేడి బాడీ నుండి తప్పించుకోలేకపోతుంది, ఫలితంగా హీట్ ట్రాప్ ఏర్పడుతుంది. అటువంటి పరిస్థితిలో మీ ఫోన్ చుట్టూ గాలి ప్రసరణకు తగినంత స్థలం ఉండేలా చూసుకోండి.

Follow us on : Facebook, Instagram, YouTube & Google News

మరిన్ని తాజా వార్తల కోసం ఇక్కడ క్లిక్ చేయండి.