చంద్రబాబు పనైపోయిందని నారా భువనేశ్వరి ప్రసంగం చూస్తే స్పష్టంగా అర్థమవుతోందని మంత్రి రోజా అన్నారు. మేం ఏదైతే ఇన్ని రోజుల నుంచి చెప్పుకుంటూ వచ్చామో, ఇప్పుడు భువనేశ్వరి కూడా అదే చెప్పారన్నారు. చంద్రబాబుకు విశ్రాంతి తీసుకునే వయసొచ్చింది. కుప్పంలో పోటీ చేయాలని నాకు ఆసక్తిగా ఉందని నారా భువనేశ్వరి మనసులో మాట చెప్పడం చూసిన తర్వాత తన పనైపోయిందని చంద్రబాబుకు అర్థమై ఉంటుందని వ్యాఖ్యానించారు.

నిరుద్యోగుల పక్షాన పోరాటం ఆపేది లేదు – వైఎస్ షర్మిల

మూడు సార్లు ముఖ్యమంత్రిగా పనిచేసిన చంద్రబాబు కుప్పం ప్రజలకు మంచినీరు కూడా ఇవ్వలేకపోయారన్నారు. ఈ నెల 26న సీఎం జగన్ వస్తున్నారన కుప్పం ప్రజల చిరకాల కోరిక అయిన హంద్రీనీవా ద్వారా నీళ్లు ఇవ్వబోతున్నామని తెలిపారు. వైసీపీ ప్రభుత్వం కుప్పంలో ప్రతి ప్రాంతాన్ని అభివృద్ధి చేస్తోందన్నారు. కుప్పం ప్రజలకే ఏమీ చేయలేని చంద్రబాబు రాష్ట్ర ప్రజలకు ఏమీ చేస్తారని మంత్రి రోజా ప్రశ్నించారు.

Follow us on : Facebook, Instagram & YouTube.

మరిన్ని తాజా వార్తల కోసం ఇక్కడ క్లిక్ చేయండి.