కృష్ణాజిల్లా కలెక్టర్ పి. రాజాబాబు అధికారులతో సమావేశం అయ్యారు. మిచౌంగ్ తుఫాన్ వల్ల జిల్లాలో ఎలాంటి ప్రాణహాని ఆస్తి నష్టం జరగకుండా ప్రభుత్వ శాఖ అధికారులు సమన్వయంతో ముందస్తు చర్యలు చేపట్టారు. తుఫాన్ ముప్పు దృశ్య జిల్లా అధికారులు ఎవరూ సెలవు పెట్టరాదని, నిత్యం అందుబాటులో ఉండాలని సూచించారు. వాతావరణం మార్పుతో గాలుల తీవ్రత ఎక్కువగా ఉండడంతో ఇప్పటికే వేటకు వెళ్లిన మత్స్యకారులు అధికారులు వెనకకు రప్పించారు. సముద్ర ప్రాంతములో తీవ్రమైన గాలులు వీచడంతో పడవలను రక్షించుకునేందుకు ప్రయత్నిస్తున్నారు. సముద్రంలో బలమైన గాలులు వీస్తున్నాయని, అలలు ఉవ్వెత్తిన ఎగసిపడుతున్నాయని ప్రతి సంవత్సరం నవంబర్ వచ్చిందంటే తుఫాన్లు తప్పడం లేదని దీంతో నష్టపోవడం జరుగుతుందని గంగపుత్రులు వాపోతున్నారు. మత్యకారులును సముద్రంలో వేటకు వెళ్ళొద్దంటూ నిషేధాజ్ఞలు అధికారులు జారీ చేశారు.