బీజేపీ నేత బాబు మోహన్ ఈ సారి ఎన్నికల్లో తాను పోటీ చేయడం లేదని తెలిపారు. తనకు మొదటి లిస్ట్ లో టిక్కెట్ ఇవ్వకపోవడంతో అసంతృప్తితో పార్టీ తీరు పై మండిపడ్డారు. పార్టీ అధ్యక్షులకి ఫోన్ చేసినా నిర్లక్ష్యంగా వ్యవహరించడంతో తీవ్ర అసంతృప్తి చెందారు. పార్టీ తన విషయంలో ఇచ్చే స్పందనను బట్టి పార్టీలో ఉండాలా లేదా అని భవిష్యత్ లో తుది నిర్ణయం తీసుకుంటానన్నారు. సోషల్ మీడియాలో నా కొడుకుకి, నాకు మధ్య టికెట్ కోసం పోటీ నెలకొందని తప్పుడు ప్రచారం జరుగుతోందని మీడియాపై మండిపడ్డారు.