పుస్తక ప్రియులు ఎప్పుడెప్పుడా అని ఎదురు చూస్తున్న తరుణం రానే వచ్చింది. హైదరాబాద్‌లోని తెలంగాణ కళాభారతి – ఎన్టీఆర్ స్టేడియంలో నేటి నుంచి ఈ నెల 19 వరకూ 36వ హైదరాబాద్ జాతీయ పుస్తక ప్రదర్శన జరుగుతుందని బుక్ ఫెయిర్ అధ్యక్షుడు జూలూరు గౌరీశంకర్ తెలిపారు. బుక్ ఫెయిర్ కార్యక్రమాన్ని మంత్రి జూపల్లి కృష్ణారావు ప్రారంభిస్తారని చెప్పారు. 10 నుంచి 18వ తేదీ వరకూ పలు సాహిత్య, సాంస్కృతిక కార్యక్రమాలు జరుగుతాయన్నారు. మొత్తం 365 స్టాళ్లలో అన్ని భాషలకు చెందిన లక్షల పుస్తకాలు అందుబాటులో ఉంటాయని గౌరీ శంకర్ తెలిపారు.