పాదాల పగుళ్ళకు – కిచెన్ లోనే చిట్కాలు

మిగలపండిన అరటిపండ్లు పారేయకుండా స్మూత్ గ పేస్ట్ చేసి కాళ్ళ పగుళ్ళకు మాత్రమే కాదు పూర్తిగా పాదాలకు పట్టించండి. 20 నిమిషాలు ఉంచి చల్లటి నీటితో కడిగేయాలి. కనీసం 2 వారాలు రోజు చేస్తే మంచి ఫలితం ఉంటుంది. తేనెలో పలు యాంటీ సెప్టిక్ గుణాలు ఉండడం కారణంగా గోరు వెచ్చటి నీటిలో ఒక చెంచాడు తేనె వేసి కాళ్ళను ఆ నీటిలో ముంచి 20 నిముషాలు ఉంచి తేలికపాటి స్క్రబ్ ఉపయోగించి రుద్ది, తుడుచుకొని, మాయిశ్చరైసర్ రాసుకోవాలి. వాసెలైన్ పెట్రోలియం జెల్లీ ఒక చెంచాడు తీసుకొని అందులో ఐదారు చుక్కల నిమ్మ రసం కలిపి ఆ మిశ్రమాన్ని పదాలు పగుళ్ల మీద రాస్తూ మసాజ్ చేయాలి. నిద్ర కు ముందు ఇలా ఒకటి నుంచి రెండు వారాలు చేస్తే మంచి ఫలితం ఉంటుంది.