ఖమ్మం జిల్లా కూసుమంచి మండలం గైగోళ్లపల్లి, సంధ్యతండా గ్రామాల్లో పాలేరు బిఆర్ఎస్ అభ్యర్థి కందాల ఉపేందర్ రెడ్డి ఎన్నికల ప్రచారంలో పాల్గొన్నారు. ఆయనకి గ్రామస్థులు ఘన స్వాగతం పలికారు. ఎన్నికల ప్రచారంలో ఉపేందర్ రెడ్డి మాట్లాడుతూ బిఆర్ఎస్ పార్టీ రాష్ట్రంలోని పలు సంక్షేమ పథకాలు అమలు చేస్తోందని, ముఖ్యంగా ప్రతి ఒక్కరికి ఆరోగ్య భీమా వర్తించేలా టిఆర్ఎస్ ప్రభుత్వం చర్యలు తీసుకోబోతుందని అన్నారు. పాలేరు నియోజకవర్గంలోని దళితులందరికీ దళిత బంధు ఇప్పిస్తానని అన్నారు. మీ ఊరికి నేను చాలాసార్లు వచ్చానని, మీ ఊర్లోనే ఎవరు ఏ సహాయం కోరిన చేశానని, కావున మీ ఊరిలోనే అన్ని పార్టీల ఓటర్లు నాకే ఓటు వేయాలని అన్నారు. పాలేరు ప్రజలకు మరింత సేవ చేసే అవకాశం మరోసారి కల్పించాలని అన్నారు.
నవంబర్ 30 న జరిగే శాసన సభ ఎన్నికలలో కారు గుర్తుపై ఓటు వేసి నన్ను అత్యధిక మెజార్టీతో గెలిపించాలని అన్నారు.