తెలంగాణ డీజీపీ అంజనీ కుమార్ పై సస్పెన్షన్‌ వేటు పడింది. ఆయనపై ఎన్నికల సంఘం సస్పెన్షన్‌ వేటు వేసింది. ఎన్నికల నియమావళిని ఉల్లంఘించినందుకు ఈ నిర్ణయం తీసుకున్నట్లు ఉత్తర్వుల్లో తెలిపారు. అదనపు డీజీలు సందీప్ కుమార్ జైన్, మహేశ్ భగవత్ కు ఈసీ నోటీసులు జారీ చేసింది. తెలంగాణ అసెంబ్లీ ఎన్నికల ఫలితాలు వెలువడుతున్న సమయంలో డీజీపీ అంజనీకుమార్, ఇద్దరు అదనపు డీజీలు.. పీసీసీ అధ్యక్షుడు రేవంత్ రెడ్డిని కలిసి అభినందనలు తెలిపారు. ఎన్నికల కోడ్ అమల్లో ఉన్న సమయంలో డీజీపీ రేవంత్ రెడ్డిని కలవడంతో ఈసీ ఈ నిర్ణయం తీసుకుంది.