Author

Prakash

తిరుమల శ్రీవారి సేవలో పారిజాత పర్వం మువీ టీమ్..

by Prakash 31/03/2024

written by Prakash

తిరుమల శ్రీవారి సేవలో పారిజాత పర్వం(Parijata Parvam) మువీ టీమ్

తిరుమల శ్రీవారిని పారిజాత పర్వం మువీ టీమ్ దర్శించుకున్నారు. ఆదివారం ఉదయం విఐపి విరామ సమయంలో నటులు చైతన్య రావు, శ్రద్ధా దాస్(shraddha das), హర్షలు స్వామి వారి సేవలో పాల్గొని మొక్కులు చెల్లించుకున్నారు. దర్శనానంతరం రంగనాయకుల మండలంలో వేదపండితులు వేదాశీర్వచనం అందించగా. ఆలయ అధికారులు శ్రీవారి తీర్థప్రసాదాలు అందజేసి పట్టువస్త్రంతో సత్కరించారు. ఈ చిత్రం ఏప్రిల్ 19న ప్రపంచవ్యాప్తంగా విడుదల కానుందని వారు తెలిపారు.‌తిరుమల శ్రీవారి బ్లెషింగ్స్ కోసం వచ్చామని చెప్పారు. శ్రీవారి ఆశీశ్సులతో చిత్రం మంచి హిట్ అవ్వాలని చిత్ర బృందం ఆకాంక్షించారు.

Follow us on : Google News మరిన్ని తాజా వార్తల కోసం ఇక్కడ క్లిక్ చేయండి.

‘మండాడి’ని బ్లాక్ బస్టర్ హిట్ చేసిన తెలుగు ఆడియెన్స్‌కి థాంక్స్..12/09/2026

‘మండాడి’ని బ్లాక్ బస్టర్ హిట్ చేసిన తెలుగు ఆడియెన్స్‌కి థాంక్స్.. యునానిమస్ బ్లాక్ బస్టర్ సెలెబ్రేషన్స్‌‌లో …

ప్యారడైజ్ నా కెరీర్‌లోనే ఎక్కువ కష్టపడి చేసిన సినిమా.12/09/2026

ప్యారడైజ్ నా కెరీర్‌లోనే ఎక్కువ కష్టపడి చేసిన సినిమా. సెప్టెంబర్ 24న వస్తున్నాం. ఫస్ట్ నుంచి …

ఘనంగా ఇరుముడి బ్లాక్ బస్టర్ సెలెబ్రేషన్స్..11/09/2026

ఘనంగా ఇరుముడి బ్లాక్ బస్టర్ సెలెబ్రేషన్స్.. నాకు రెస్పెక్ట్ తెచ్చిపెట్టిన సినిమా అంటూ రవితేజ ఎమోషనల్ …

CVR న్యూస్ తెలుగు వాట్సాప్ ఛానల్ ను ఫాలో అవ్వండి

31/03/2024 0 comment

రాబోయే ఎన్నికల్లో విజయం మాదే…

by Prakash 30/03/2024

written by Prakash

తెలుగుదేశం, జనసేన, బిజెపి పార్టీలతోని రాష్ట్ర అభివృద్ధి సాధ్యమని మచిలీపట్నం పార్లమెంట్ ఉమ్మడి అభ్యర్థి బాల సౌరి స్పష్టం చేశారు. జనసేన పార్టీ తరఫున అభ్యర్థిగా ప్రకటించిన తరువాత మొట్టమొదటిసారి ఉయ్యూరు తెలుగుదేశం పార్టీకి విచ్చేసిన మచిలీపట్నం ఎంపీ బాలశౌరికి పెనమలూరు నియోజకవర్గం ఉమ్మడి అభ్యర్థి బోడె ప్రసాద్ తో పాటు తెలుగుదేశం, బిజెపి, జనసేన నాయకులు కార్యకర్తలు ఘనంగా స్వాగతం పలికారు. పార్టీ కార్యాలయంలో ఏర్పాటు చేసిన కేక్ ను బాలశౌరి, బోడె ప్రసాదులు కట్ చేశారు. బాల సౌరిని తెదేపా నేతలు, జనసేన నేతలు పూలమాలలతో శాలవాలతో సత్కరించారు. ఈ కార్యక్రమంలో ఉయ్యూరు మున్సిపల్ చైర్మన్ వల్లభనేని నాని, మాజీ మున్సిపల్ చైర్మన్ జంపాన పూర్ణచంద్రరావు, ఉయ్యూరు టౌన్ పార్టీ అధ్యక్షుడు జంపాన గురునాధరావు,జనసేన నాయకులు చిన్న కోటయ్య, బిజెపి నాయకులు డాక్టర్ చిన్మయ తదితరులు పాల్గొన్నారు.

ఈ సందర్భంగా విలేకరులతో మాట్లాడిన బాలసౌరి తెలుగుదేశం, బిజెపి, జనసేన పార్టీలతోని రాష్ట్ర అభివృద్ధి సాధ్యమవుతుందని అన్నారు. కంకిపాడు నుండి గుడివాడ వరకు గ్రీన్ ఫీల్ రోడ్డు ఏర్పాటు చేస్తామని బాల సౌరి హామీ ఇచ్చారు. కృష్ణా, గుంటూరు జిల్లా వాసులకు అమరావతి రాజధానిగా ఉండటం వలన కలిగే ప్రయోజనాలు గుర్తించుకుని తెలుగుదేశం పార్టీ, జనసేన పార్టీ అభ్యర్థులను గెలిపించాలని కోరారు. అనంతరం బోడి ప్రసాద్ మాట్లాడుతూ బాలశౌరి లాంటి ఎంపీ ఉంటే నియోజకవర్గంలో అభివృద్ధి పరుగులు పెడుతుందన్నారు. రాబోయే ఎన్నికల్లో తెలుగుదేశం జనసేన పార్టీ అభ్యర్థులదే విజయమని బోడే ధీమా వ్యక్తం చేశారు.

30/03/2024 0 comment

మాతా శిశు ఆరోగ్య కేంద్రంలో ఆహార నాణ్యత లోపం…

by Prakash 30/03/2024

written by Prakash

పెద్దపెల్లి జిల్లా మంథని మండల కేంద్రంలోని మాత శిశు ఆరోగ్య కేంద్రంలో ప్రసవించిన బాలింతలకు హాస్పిటల్ ఫుడ్ మేనేజ్మెంట్ గత వారం రోజుల నుండి ఉడకని గుడ్లు పాలు పాలలాగా కాకుండా నీళ్లలాగా ఇస్తున్నారని పేషెంట్స్ వాళ్ల కుటుంబీకులు చెప్తున్నారు. అదే విధంగా నిన్న ఈ రోజు ఉదయం ఉప్మా విషయంలో పేపర్లు అతికించే లైవ్ లాగా ఉందని, అది తిన్న చిన్నపిల్లలు వాంటింగ్ చేసుకున్నారని అన్నారు. మంథనిలో ఇంత మంచి హాస్పిటల్ ఉన్నప్పటికీ ఫుడ్ విషయంలో నిర్లక్ష్యం చేస్తున్నందుకు చాలా ఆవేదన చెందుతున్నామని అన్నారు. సదర్ కాంట్రాక్టర్ ను ఇదే మిటని అడిగితే నేను గత 11 నెలల నుండి పెడుతున్నానని ఇప్పటి వరకు నన్ను అడిగిన వాళ్లే లేరని చెప్పుకుంటూ వెళ్లిపోతున్నారని చెప్పారు. ఇప్పటికైనా అధికారులు స్పందించి ఈ విషయంలో పేషంట్లకు మంచి ఫుడ్ ను అందించే విధంగా ప్రయత్నం చేయాలని కోరుకుంటున్నారు.

30/03/2024 0 comment

Andhra Pradesh Latest News Neloore Political

మహీధర్ రెడ్డి ఆధ్వర్యంలో ఆత్మీయ సమావేశం…

by Prakash 30/03/2024

written by Prakash

నెల్లూరు జిల్లా కందుకూరు నియోజకవర్గం కందుకూరులో ఎమ్మెల్యే మానుగుంట మహీధర్ రెడ్డి ఆధ్వర్యంలో ఆత్మీయ సమావేశం నిర్వహించారు. ఈ కార్యక్రమం వెంగమాంబ కళ్యాణ మండపం లో నిర్వహించారు. ఈ కార్యక్రమానికి ముఖ్య అతిథిగా వైఎస్ఆర్సిపి ఎంపీగా పోటీ చేస్తున్న విజయసాయిరెడ్డి వైఎస్ఆర్సిపి ఎమ్మెల్యే అభ్యర్థి బుర్ర మధుసూదన్ యాదవ్ జూపూడి ప్రభాకర్ రావు బీద మస్తాన్ రావు వైసిపి నాయకులు కార్యకర్తలు పాల్గొన్నారు.

ఈ సందర్భంగా విజయ్ సాయి రెడ్డి మాట్లాడుతూ మానుగుంట మహీధర్ రెడ్డి సహకారం లేకుండా మా గెలుపు దుర్లభం. ఎం పీ విజయసాయిరెడ్డి కందుకూరి ఎమ్మెల్యే మానుగుంట మహీధర్ రెడ్డి సహకారం లేకుండా ఎంపీగా తాను, ఎమ్మెల్యేగా బుర్ర మధుసూదన్ యాదవ్ గెలుపు అత్యంత దుర్లభమని విజయ సాయి రెడ్డి కితాబిచ్చారు. శనివారం మధ్యాహ్నం కందుకూరు పట్టణంలోని వెంగమాంబ ఫంక్షన్ హాల్ లో వైకాపా కార్యకర్తల ఆత్మీయ సమావేశంలో ఆయన మాట్లాడుతూ, మహిధర్ రెడ్డి మచ్చలేని నాయకుడని, 50. సంవత్సరాల వారి రాజకీయ ప్రస్థానంలో అద్భుతమైన పాలనా దక్షుడ ని , విజయసాయిరెడ్డి అభివర్ణించారు.

ఎమ్మెల్సీగా మహీధర్ రెడ్డి ఉండాలనేది జగన్మోహన్ రెడ్డికోరిక ని, 2026 లో నియోజకవర్గాల డీ లిమిటేషన్స్ అనంతరం ఎమ్మెల్సీ అవుతారని విజయసాయి రెడ్డి వివరించారు. కలియుగ దైవం శ్రీ వెంకటేశ్వర స్వామి సాక్షిగా తాము గెలిస్తే మహీధర్ రెడ్డి మాట జవదాటేది లేదని ఆయన ప్రమాణం చేశారు. కార్యకర్తలకు అన్ని విధాల తోడ్పాటు అందిస్తామన్నారు. ఈ సందర్భంగా ఎంపీ బీద మస్తాన్రావు మాట్లాడుతూ ఎంపీ విజయసాయిరెడ్డి గెలుపు నెల్లూరు జిల్లాకు మలుపున్నారు. కార్యకర్తలను ఉద్దేశించి మానుగుంట మహీధర్ రెడ్డి మాట్లాడుతూ, కార్యకర్తలు సహకారం వైకాపా అభ్యర్థులకు అందించాలన్నారు.

30/03/2024 0 comment

Film

“జితేందర్ రెడ్డి” సినిమా రిలీజ్ డేట్ ఫిక్స్…

by Prakash 30/03/2024

written by Prakash

‘జితేందర్ రెడ్డి’ (Jithender Reddy) :

‘జితేందర్ రెడ్డి’ (Jithender Reddy) చిత్రంలో నటించిన రాకేష్ వర్రే ముందు బాహుబలి సినిమాతో జాతీయ స్థాయిలో ప్రేక్షకుల మన్ననలు పొందిన పొందాడు. గతంలో ‘ఎవ్వరికీ చెప్పొద్దు’ సినిమాతో హీరో, నిర్మాతగా మారిన సంగతి అందరికీ తెలిసిందే, రీసెంట్ గా నిర్మాతగా ‘పేకమేడలు’ చిత్రం టీజర్ను లాంచ్ చేసి మంచి కథలు, కొత్త కథలను ప్రేక్షకులకు అందించాలని చేసే ప్రయత్నంలో భాగంగా ఇప్పుడు ‘జితేందర్ రెడ్డి’ (Jithender Reddy) చిత్రాన్ని ప్రేక్షకుల ముందుకు తీసుకొని వస్తున్నారు. గతంలో రిలీజ్ చేసిన ప్రోమోకి, అస్సలు ఎవరు ఈ జితేందర్ రెడ్డి (Jithender Reddy) అని ? హీరో పేస్ రెవీల్ చెయ్యకుండా విడుదల చేసిన పోస్టర్స్ కూడా మంచి ఆదరణ పొందాయి.. ముదుగంటి క్రియేషన్స్ బ్యానర్ లో రాబోతున్న ఈ జితేందర్ రెడ్డి సినిమా రిలీజ్ డేట్ ను చిత్ర యూనిట్ ఈ రోజు విడుదల చేసింది. 2024 May 3న ఈ చిత్రం విడుదల కాబోతుంది అని చిత్ర దర్శకుడు విరించి వర్మ చెప్పారు.

దర్శకుడు విరించి వర్మ మాట్లాడుతూ..

ఈ సందర్భంగా దర్శకుడు విరించి వర్మ మాట్లాడుతూ.. ఈ సినిమా 1 st లుక్ పోస్టర్ నుండి కూడా మంచి రెస్పాన్స్ వచ్చింది. హీరో ఎవరో చూపించకుండా విడుదల చేసిన పోస్టర్స్ కూడా మంచి క్యూరియాసిటీని పెంచాయి.. రాకేష్ వర్రే ఫ్యామిలీ హీరో గా ఎవ్వరికీ చెప్పొద్దూ లాంటి లవ్ స్టొరీని చేసినప్పటికీ ఇలాంటి ఒక ఆక్షన్ డ్రామా చెయ్యడం చాలా గొప్ప విషయం. ఈ జితేందర్ రెడ్డి జగిత్యాలలో 1980 లలో యదార్ధంగా జరిగిన కథ. రియల్ స్టొరీని బాగా తియ్యడానికి చాలా రీసెర్చ్ అవసరమైంది, దాని కోసం నేను మా టీం వర్క్ ఔట్స్ చేసి, రెఫెరెన్సులు తీసుకుని, పెద్ద వారి సలహాలు తీసుకుని చాలా జెన్యూన్ గా చేసిన సినిమా ఇది.. మే 3 న రిలీజ్ అయ్యే ఈ సినిమాతో ఆ రోజుల్లో విలువలతో కూడిన ఈ పాత్ర, దాని చుట్టూ తిరిగే కథని ఈ తరం ప్రేక్షకులకి అందించాలని చేసే ప్రయత్నమే ఈ జితేందర్ రెడ్డి.

ముదుగంటి క్రియేషన్స్ అధినేత, నిర్మాత ముదుగంటి రవీందర్ రెడ్డి మాట్లాడుతూ..

ఉయ్యాలా జంపాలా, మజ్ను లాంటి ప్రేమకథా చిత్రాలకు దర్శకత్వం వహించిన విరించి వర్మ, మా జితేందర్ రెడ్డి లాంటి ఆక్షన్ స్టొరీని కూడా అద్భుతంగా తెరకెక్కించారు.. ఈ చిత్రం యొక్క పోస్టర్స్, గ్లిమ్స్ ను చాలా మంది అప్ప్రిషిఎట్ చేస్తున్నారు, జితేందర్ రెడ్డి అనే టైటిల్ ఏ చాలా పవర్ఫుల్ టైటిల్. 1980లో నేను చూసిన, నాకు తెలిసిన కథ ఈ జితేందర్ రెడ్డి, అప్పటి లొకేషన్స్ గాని, అప్పటి అంబియన్స్ ని గాని చాలా చక్కగా తెరకేక్కించాము. మా హీరో రాకేష్ వర్రే గురంచి మీకు చెప్పాలి, గతంలో లవ్ స్టొరీ చేసి ఇప్పుడు ఈ ఆక్షన్ డ్రామా ని కూడా చాలా బాగా హేండిల్ చేశాడు.

జితేందర్ రెడ్డి నా సొంత ప్రాజెక్ట్ లాగా..

తనకు సొంతగా క్రేజీ యాంట్స్ ప్రొడక్షన్స్ ఉన్నప్పటికీ, తన సినిమాలే మూడు జరుగుతున్నప్పటికీ కూడా ఈ జితేందర్ రెడ్డిని తన సొంత ప్రాజెక్ట్ లాగా, తన సినిమాల పనులను అడ్జస్ట్ చేసుకుని చాలా శ్రమని ఈ సినిమా కోసం పెట్టారు.. అప్పటి సన్నివేశాలని, జరిగిన కథని యదార్ధంగా చూపించాము తప్ప, ఎవరిని కించ పరిచే విధంగా మాత్రం చెయ్యలేదు. సుబ్బరాజు గారి లాంటి విలక్షణ నటులు కూడా మనసు పెట్టి అధ్బుతంగా ఈ కథ కోసం పని చేశారు. ఈ సినిమాకి సంబధించిన updates ను మీకు ఇక నుండి ఇస్తూ ఉంటాము. మేము మొదటి సారి సినిమా ఇండస్ట్రీ కి వచ్చి ఈ సినిమా చేస్తున్నాము. మమ్మల్ని ఆశీర్వదించండి.

ఇది చదవండి : శివమల్లాల నిర్మాతగా నూతన నిర్మాణ సంస్థ శివమ్‌ మీడియా ప్రారంభం…

సాంకేతిక నిపుణుల విషయానికి వస్తే ఎన్నో సక్సెస్ఫుల్ సినిమాలకు (కంచే, NTR కథానాయకుడు, NTR మహానాయకుడు, IB 47) విషువల్స్ అందిచిన వి. ఎస్‌ జ్ఞాన శేఖర్‌ ఈ సినిమాకి కెమెరామెన్‌ గా పని చేశారు. అలాగే ఎన్నో లవ్ స్టోరీస్ కు మ్యూజికల్ హిట్స్ అందించిన మలయాళ సంగీత దర్శకుడు గోపీ సుందర్‌ జితేందర్ రెడ్డి సినిమాకు సంగీతం అందిస్తున్నారు. నాగేంద్ర కుమార్‌ ఆర్ట్‌ డైరెక్టర్‌గా వ్యవహరిస్తున్న ఈ సినిమాను ముదుగంటి క్రియేషన్స్‌ బ్యానర్‌పై ముదుగంటి రవీందర్‌ రెడ్డి నిర్మిస్తున్నారు.

నటీ నటులు : రాకేష్ వర్రే, రియా సుమన్, ఛత్రపతి శేఖర్, సుబ్బరాజు, రవి ప్రకాష్

సాంకేతిక నిపుణులు:
డైరెక్టర్ : విరించి వర్మ.
కథ & మాటలు : ముదుగంటి రవీందర్ రెడ్డి.
నిర్మాత : ముదుగంటి రవీందర్ రెడ్డి.
కో – ప్రొడ్యూసర్ : ఉమ రవీందర్.
ఎక్జిక్యూటివ్ ప్రొడ్యూసర్ : వాణిశ్రీ పొడుగు
డి. ఓ. పి : వి. ఎస్. జ్ఞాన శేఖర్.
మ్యూజిక్ డైరెక్టర్ : గోపి సుందర్.
ఆర్ట్ డైరెక్టర్: నాగేంద్రకుమార్
పి ఆర్ వో: మదు వి ఆర్

Follow us on : Google News మరిన్ని తాజా వార్తల కోసం ఇక్కడ క్లిక్ చేయండి.

‘మండాడి’ని బ్లాక్ బస్టర్ హిట్ చేసిన తెలుగు ఆడియెన్స్‌కి థాంక్స్..12/09/2026

ప్యారడైజ్ నా కెరీర్‌లోనే ఎక్కువ కష్టపడి చేసిన సినిమా.12/09/2026

ఘనంగా ఇరుముడి బ్లాక్ బస్టర్ సెలెబ్రేషన్స్..11/09/2026

CVR న్యూస్ తెలుగు వాట్సాప్ ఛానల్ ను ఫాలో అవ్వండి

30/03/2024 0 comment

మూడోసారి ప్రధానిగా మోదీ ప్రమాణ స్వీకారానికి ముహూర్తం ఖరారు…

by Prakash 30/03/2024

written by Prakash

బిజెపి అభ్యర్థి గోమాసే శ్రీనివాస్ (Gomase Srinivas)..

పెద్దపల్లి పార్లమెంటు పరిధిలో బిజెపి గెలుపు ఖాయమైందని, దేశవ్యాప్తంగా బిజెపి గెలవబోతున్న 4 వందల స్థానాల్లో పెద్దపల్లి పేరు ఉండబోతుందని బిజెపి అభ్యర్థి గోమాసే శ్రీనివాస్ (Gomase Srinivas) ధీమా వ్యక్తం చేశారు. పార్లమెంటు ఎన్నికల్లో భాగంగా పెద్దపల్లి జిల్లా కేంద్రంలో ప్రచారం చేపట్టారు. అనంతరం అమర చంద్ కళ్యాణ మండపంలో ఏర్పాటు చేసిన ఎన్నికల సన్నాహక సమావేశంలో పాల్గొన్నారు.

పెద్దపల్లిలో బిజెపి గెలుపు ఖాయమైంది..

అనంతరం ఆయన మాట్లాడుతూ… మూడవసారి ప్రధానిగా మోదీ ప్రమాణ స్వీకారం చేసే ముహూర్థం ఖరారయ్యిందన్నారు. పెద్దపల్లిని పాలించిన గత పాలకులు అర చేతిలో వైకుంఠం చూపించి అభివృద్దిని మరిచిపోయారని, ఇక్కడి ప్రజలను మోసం చేసి వివేక్ కుటుంబం పదవులు అనుభవించిందన్నారు. రూ. వందల కోట్ల సంపదను దోచుకుని, దోచుకున్న డబ్బులతో తమ వ్యాపార సామ్రాజ్యాలను విస్థరించుకున్నారన్నారని విమర్శించారు. కాంగ్రెస్ పార్టీ ఎమ్మెల్యేలకు నియోజకవర్గాల అభివృద్దిపై చిత్తశుద్ది లేదని, ఆరు గ్యారెంటీల అమలు చేయించడంలో రేవంత్ రెడ్డి ప్రభుత్వం ఘోరంగా విఫలం అయ్యిందని దుయ్యబట్టారు.

దేశమంతా మోదీ హవా నడుస్తోంది..

చైనా, పాకిస్తానులను వణికించిన మోదీ, కాంగ్రెస్ పార్టీ పాలనలో భారతదేశాన్ని చైనా, పాకిస్తాన్, బంగ్లాదేశ్, తదితర దేశాలు భయపెట్టేవని, వారి ఒత్తిళ్ళకు తలొగ్గి కాంగ్రెస్ అధిష్టానం పని చేసేదని మండిపడ్డారు. మోదీ ప్రధాని అయిన తరవాత శత్రుదేశాల భరతం పట్టడం జరిగిందని, ప్రస్తుతం చైనా, పాకిస్తాన్ దేశాలు మోదీ దెబ్బకు విలవిలలాడుతున్నాయని అన్నారు. మోదీ దార్శనికత వల్ల శత్రుదేశాలు మన వైపు కన్నెత్తి చూడటానికి గజగజ వణుకుతున్నాయని తెలిపారు. 5 వందల యేళ్ళుగా వివాదంలో ఉన్న అయోధ్య రామ మందిర నిర్మాణాన్ని పూర్తి చేసి దేశ కీర్తిని మోదీ విశ్వవ్యాప్తం చేయడం గర్వంగా ఉందన్నారు. మోదీ పరిపాలన దక్షతకు ఇది నిదర్శనమని అభిప్రాయం వ్యక్తం చేశారు. బిజెపి కార్యకర్తలు నిజమైన దేశభక్తులుగా అభివర్ణించిన ఆయన, తన చివరి శ్వాసవరకు దేశం కోసం,ధర్మం కోసం పని చేస్తానని స్పష్టం చేశారు.

బిజెపి కార్యకర్తలు నిజమైన దేశభక్తులు..

పెద్దపల్లి పార్లమెంటులో బిజెపి గెలుపు ఖాయమైందని, గెలిచిన తర్వాత నియోజకవర్గ అభివృద్దికి పూర్తి సమయాన్ని కేటాయిస్తానని శ్రీనివాస్ హామీ ఇచ్చారు. జిల్లాకేంద్రం చుట్టూ రింగు రోడ్డు నిర్మాణం, మైనింగ్ ఇంజనీరింగ్ కళాశాల ఏర్పాటు, కేంద్రీయ విశ్వవిద్యాలయం, ముస్లీముల ఖరస్తానుల అభివృద్దికి రూ. 20లక్షల ఎంపి నిధులు, సిఎస్ఆర్ నిధులతో విద్యాసంస్థల ఏర్పాటు, గోదావరి నీళ్ళను అదనపు పైపులైను ద్వారా పెద్దపల్లి రైతంగానికి సాగు నీరుగా అందించడానికి కృషి చేస్తానన్నారు.

నిజాయితీ గల పేదవాడికి, డబ్బు గల అవినీతి పరుడికి మధ్య యుద్ధం..

కాంగ్రెస్ అభ్యర్థి ఒక అముల్ బేబి బిజెపిలో ఉన్నంతకాలం కెసిఆర్ కుటుంబాన్ని వారసత్వ రాజకీయాలుగా విమర్శలు చేసిన వివేక్ వెంకటస్వామి, తన కొడుక్కి కాంగ్రెస్ పార్టీ టికెట్ ఇప్పించడాన్ని ఎమంటారో తెలపాలని సవాలు విసిరారు. కాంగ్రెస్ పార్టీ టికెట్ కేటాయించిన గడ్డం వంశీ కృష్ణ ఒక అముల్ బేబీ అని ఎద్దేవా చేశారు. తండ్రి చాటు రాజకీయలతో గెలవాలని చూస్తున్నారని మండిపడ్డారు. నిజాయితీ గల పేదవాడికి, డబ్బు గల అవినీతి పరుడికి మధ్య జరుగుతున్న ఎన్నికల యుద్ధమని పేర్కొన్నారు.తనకు అవకాశం ఇచ్చి ఎంపిగా గెలిపించాలని ఓటర్లను గోమాసే శ్రీనివాస్ కోరారు.

ఇది చదవండి : GHMC అడ్డగోలు రూల్స్, ఇబ్బందులు పడుతున్న సామాన్యులు..!

ఈ సమావేశంలో రాష్ట్ర ప్రధాన కార్యదర్శి దుగ్యాల ప్రదీప్ కుమార్,జిల్లా అధ్యక్షుడు చంద్రుపట్ల సునీల్ రెడ్డి, పార్లమెంటు కన్వీనరు వెంకటేషం గౌడ్, కో కన్వీనరు గుండబోయిన లక్ష్మన్, నాయకులు శిలారపు పర్వతాలు, తంగెడ రాజేశ్వరరావు, పోల్సాని సంపత్ రావు, దాడి సంతోష్, తాత రవి, గంగిపెల్లి స్వామి, రాజం మహంత, చిలారపు సంపత్, మేకల శ్రీనివాస్, గుడ్ల సతీష్, వివిధ మండలాల అధ్యక్షులు, శక్తి కేంద్రాల ఇంచార్జీలు, బూత్ అధ్యక్షులు, పెద్ద సంఖ్యలో కార్యకర్తలు పాల్గొన్నారు.

Follow us on : Google News మరిన్ని తాజా వార్తల కోసం ఇక్కడ క్లిక్ చేయండి.

శంకుస్థాపన చేసిన సీఎం రేవంత్‌రెడ్డి.13/09/2026

హైదరాబాద్ ఉప్పల్ భగాయత్‌లో ఆర్యవైశ్య ఆత్మగౌరవ భవన్‌కు ముఖ్యమంత్రి రేవంత్‌రెడ్డి శంకుస్థాపన చేశారు. ఈ సందర్భంగా …

కొండా సురేఖకు బుజ్జగింపులు.12/09/2026

తెలంగాణ కాంగ్రెస్ రాజకీయాల్లో కీలక పరిణామం చోటుచేసుకుంది. రాష్ట్ర కాంగ్రెస్ వ్యవహారాల ఇంఛార్జి మీనాక్షి నటరాజన్, …

ఫసల్ బీమా యోజన అమలుపై పాయల్ శంకర్ నిరసన.12/09/2026

తెలంగాణ అసెంబ్లీ సమావేశాల నేపథ్యంలో ఫసల్ బీమా యోజన అమలుపై బీజేపీ ఎమ్మెల్యే పాయల్ శంకర్ …

CVR న్యూస్ తెలుగు వాట్సాప్ ఛానల్ ను ఫాలో అవ్వండి

30/03/2024 0 comment

Latest News Karimnagar Political Telangana

తెలంగాణ చౌక్ వద్ద కాంగ్రెస్ కార్యకర్తల ధర్నా..

by Prakash 30/03/2024

written by Prakash

కరీంనగర్ పట్టణంలోని తెలంగాణ చౌక్ లో కేంద్ర ప్రభుత్వం అనుసరిస్తున్న విధానాలపై కాంగ్రెస్ కార్యకర్తల ధర్నా ఈ ధర్నాలో భాగంగా పట్టణ మరియు చుట్టుపక్క నియోజకవర్గ కాంగ్రెస్ కార్యకర్తలు హాజరై మోడీ హటావో దేశ్ బచావో నినాదాలు చేశారు. మన కొండూరు ఎమ్మెల్యే కవ్వంపల్లి సత్యనారాయణ మాట్లాడుతూ సార్వత్రిక ఎన్నికల వేల 18,23 కోట్లు చెల్లించాలని కాంగ్రెస్ పార్టీకి ఆదాయ పన్ను విభాగం నోటీసు ఇవ్వడం వెనుక బిజెపి కుట్ర ఉందని ఎన్నికల సమయంలో కాంగ్రెస్ పార్టీని ఆర్థికంగా కృంగదీయాలని బిజెపి ప్రయత్నిస్తుందని 2014లో రకరకాల వాగ్దానాలు చేసి బిజెపి ప్రభుత్వం లోకి వచ్చిందని తప్పుడు వాగ్దానాలు చేసి ప్రజలను మోసం చేశారని బిజెపికి ఈసారి ప్రజలు కచ్చితంగా బుద్ధి చెప్తారని ప్రజలు కాంగ్రెస్ పార్టీని గెలిపించుకుంటారని ప్రజల సొమ్ముకు బిజెపి లెక్క చెప్పవలసి ఉంటుందని రానున్న రోజుల్లో బిజెపిని ప్రజలు తరిమికొడతారని హెచ్చరించారు.

30/03/2024 0 comment

Film

సుహాస్ హీరోగా ప్రేమ‌క‌థా చిత్రం “ఓ భామ అయ్యో రామ”…

by Prakash 30/03/2024

written by Prakash

సుహాస్ హీరోగా ఓ భామ అయ్యో రామ (O Bhama Ayo Rama) ప్రారంభం…

వైవిధ్య‌మైన చిత్రాల‌తో న‌టుడిగా త‌న‌కంటూ ఒక ప్ర‌త్యేక మార్క్‌ను క్రియేట్ చేసుకున్న క‌థానాయ‌కుడు సుహాస్. ఆయ‌న హీరోగా న‌టిస్తున్న మ‌రో వైవిధ్య‌మైన ప్రేమ‌క‌థా చిత్రం “ఓ భామ అయ్యో రామ” (O Bhama Ayo Rama). మాళ‌విక మ‌నోజ్ హీరోయిన్‌. ఈ చిత్రం షూటింగ్ చిత్రీక‌ర‌ణ పూజా కార్య‌క్ర‌మాలు శ‌నివారం హైద‌రాబాద్‌లోని ఫిలింన‌గ‌ర్ దైవ‌స‌న్నిధానంలో ప్రారంభ‌మ‌య్యాయి. విఆర్ట్స్అండ్ చిత్ర‌ల‌హ‌రి టాకీస్ ప‌తాకంపై హ‌రీష్ న‌ల్లా, ప్ర‌దీప్ తాళ్లపు రెడ్డి ఈ చిత్రాన్ని నిర్మిస్తున్నారు. రామ్ గోదాల ద‌ర్శ‌కుడు. హీరో, హీరోయిన్‌పై చిత్రీక‌రించిన ముహుర్త‌పు స‌న్నివేశానికి ప్ర‌ముఖ నిర్మాత దిల్ రాజు క్లాప్ నిచ్చారు. ద‌ర్శకుడు వ‌శిష్ట కెమెరా స్విచ్చాన్ చేశారు. మ‌రో ద‌ర్శ‌కుడు కొల‌ను శైలేష్ బౌండెడ్ స్కిప్ట్‌ను ద‌ర్శ‌కుడికి అంద‌జేశారు.

టైటిల్ పోస్టర్ ఆవిష్కరణ..

టైటిల్ పోస్ట‌ర్‌ను ద‌ర్శ‌కులు విజయ్ క‌న‌క‌మేడ‌ల‌, కిషోర్ తిరుమ‌ల‌, నిర్మాత‌ సుద‌ర్శ‌న్ రెడ్డి, ఆవిష్క‌రించారు. ఈ సంద‌ర్భంగా ఏర్పాటు చేసిన పాత్రికేయుల స‌మావేశంలో క‌థానాయ‌కుడు సుహాస్ మాట్లాడుతూ ద‌ర్శ‌కుడు మారుతి గారి ద‌గ్గ‌ర డైరెక్ష‌న్ డిపార్ట్‌మెంట్‌లో ప‌నిచేస్తున్న‌ప్ప‌టి నుంచి నాకు ద‌ర్శ‌కుడితో ప‌రిచ‌యం వుంది. మంచి క‌థ‌తో ఈ చిత్రాన్ని తెర‌కెక్కిస్తున్నాడు. నా అభిమాన న‌టుల‌తో న‌టించే అవ‌కాశం నాకు ఈ సినిమాతో దొరికింది. ఎప్పుడెప్పుడు ఈ చిత్రం షూటింగ్‌కు వెళ‌దామా అని ఎదురుచూస్తున్నాను అన్నారు. ఈ చిత్రంలో ప్ర‌ముఖ పాత్ర పోషిస్తున్న నువ్వునేను ఫేం అనితా హస్సానందని మాట్లాడుతూ నా సెకండ్ ఇన్నింగ్స్‌కు ఫ‌ర్ ఫెక్ట్‌గా కుదిరిన చిత్ర‌మిది. న‌న్ను ఎంత‌గానో ఆక‌ర్షించిన క‌థ ఇది అన్నారు.

సుహాస్ కొత్త‌గా ద‌ర్శ‌క‌త్వం చేసే వాళ్ల‌కు దొరికిన వ‌రం..

ద‌ర్శ‌కుడు మాట్లాడుతూ ఇదొక బ్యూటిఫుల్ లవ్‌స్టోరీ, సుహాస్ కొత్త‌గా ద‌ర్శ‌క‌త్వం చేసే వాళ్ల‌కు దొరికిన వ‌రం. ఎంతో కంఫ‌ర్ట‌బుల్ ఆర్టిస్ట్‌. చాలా వైవిధ్య‌మైన క‌థ‌ల‌తో, సెలెక్టివ్ సినిమాలు చేస్తున్నాడు. అలాంటి సుహాస్ సినిమా చేయ‌డం సంతోషంగా వుంది. నిర్మాతలు ఎక్క‌డా రాజీప‌డ‌కుండా మంచి టెక్నిషియ‌న్స్‌ను ఇచ్చాడు. ర‌థ‌న్ సంగీతం చిత్రానికి అద‌న‌పు బలంగా వుంటుంది అన్నారు. నిర్మాత‌లు మాట్లాడుతూ ద‌ర్శ‌కుడు రాసుకున్న క‌థ‌కు త‌గిన విధంగా మంచి ఆర్టిస్టులు, టెక్నిషియ‌న్స్ కుదిరారు. అంతా ఫ్రెండ్లి వాతావ‌ర‌ణంలో ఈసినిమా చేస్తున్నాం. సినిమా ప్రారంభం నుంచే మంచి పాజిటివ్ వైబ్ క‌నిపిస్తుంది అన్నారు. ఈ స‌మావేశంలో ప్ర‌ముఖ హాస్య‌న‌టుడు అలీ, సినిమాటోగ్రాఫ‌ర్ మ‌ణికంద‌న్‌, సంగీత దర్శ‌కుడు ర‌థ‌న్‌, ఆర్ట్ ద‌ర్శ‌కుడు బ్ర‌హ్మా క‌డ‌లి, కో ప్రొడ్యూస‌ర్ ఆనంద్ గ‌డ‌గోని త‌దిత‌రులు పాల్గొన్నారు.

నటీనటులు మరియు సాంకేతిక వర్గం..

సుహాస్‌, మాళ‌విక మ‌నోజ్‌, అనిత హ‌స్సా నంద‌ని, అలీ, త‌దిత‌రులు న‌టిస్తున్న ఈ చిత్రానికి సినిమాటోగ్రాఫ‌ర్‌ : మ‌ణికంద‌న్‌, సంగీతం : ర‌థ‌న్‌, ఆర్ట్ : బ్ర‌హ్మా క‌డ‌లి, కో ప్రొడ్యూస‌ర్ ఆనంద్ గ‌డ‌గోని, ఎడిట‌ర్‌ : భ‌వీన్ ఎమ్‌.షా, కాస్ట్యూమ్ డిజైన‌ర్స్‌ : అశ్వ‌త్ అండ్ ప్ర‌తిభ‌, పీఆర్ ఓ : ఏలూరు శ్రీ‌ను, మ‌డూరి మ‌ధు, నిర్మాత‌లు : హ‌రీష్ న‌ల్లా, ప్ర‌దీప్ తాళ్లపు రెడ్డి, ర‌చ‌న‌ – ద‌ర్శ‌క‌త్వం : రామ్ గోదాల

ఇది చదవండి : కుటుంబ విలువల్ని గుర్తుచేసేలా “ఫ్యామిలీ స్టార్”..

‘మండాడి’ని బ్లాక్ బస్టర్ హిట్ చేసిన తెలుగు ఆడియెన్స్‌కి థాంక్స్..12/09/2026

ప్యారడైజ్ నా కెరీర్‌లోనే ఎక్కువ కష్టపడి చేసిన సినిమా.12/09/2026

ఘనంగా ఇరుముడి బ్లాక్ బస్టర్ సెలెబ్రేషన్స్..11/09/2026

Follow us on : Google News మరిన్ని తాజా వార్తల కోసం ఇక్కడ క్లిక్ చేయండి.

CVR న్యూస్ తెలుగు వాట్సాప్ ఛానల్ ను ఫాలో అవ్వండి

30/03/2024 0 comment

Film

ఫైర్ బ్రాండ్ మంచు లక్ష్మి నటించిన ”ఆదిపర్వం”…

by Prakash 30/03/2024

written by Prakash

ఫైర్ బ్రాండ్ మంచు లక్ష్మీస్ “ఆదిపర్వం” (Adiparvam) ప్రచార చిత్రానికి అసాధారణ స్పందన !!!!

కన్నడ – హిందీ – తమిళ మలయాళ భాషల్లోనూ ట్రెమండస్ రెస్పాన్స్ !!

సోషియో ఫాంటసీ మల్టీ లింగ్యుల్ ఫిలిం ”ఆదిపర్వం”(Adiparvam)…

ఫైర్ బ్రాండ్ లక్ష్మీ మంచు ప్రధాన పాత్రలో నటించిన సోషియో ఫాంటసీ మల్టీ లింగ్యుల్ ఫిలిం ”ఆదిపర్వం” (Adiparvam). సంజీవ్ మేగోటి దర్శకత్వంలో… రావుల వెంకటేశ్వర్ రావు సమర్పణలో అన్వికా ఆర్ట్స్-ఎ. ఐ ఎంటర్టైన్మెంట్స్ సంయుక్త నిర్మాణంలో ఐదు భాషల్లో (తెలుగు – కన్నడ – హిందీ – తమిళ – మలయాళ) ఈ సినిమా రూపుదిద్దుకుంది. 1974 నుంచి 1992 మధ్య జరిగే పీరియాడిక్ డ్రామాగా తెరకెక్కి… ఇటీవల ఐదు భాషల్లోనూ విడుదలైన ట్రైలర్ కు విశేష స్పందన లభిస్తోంది.

చిత్ర దర్శకుడు సంజీవ్ కుమార్ మేగోటి మాట్లాడుతూ…

“ఆదిపర్వం” ప్రచార చిత్రానికి లభిస్తున్న అనూహ్య స్పందన… ఈ చిత్రం కోసం మేము పడిన కఠోర శ్రమ మర్చిపోయేలా చేసింది. పోస్ట్ ప్రొడక్షన్ కార్యక్రమాలు దాదాపుగా పూర్తి కావచ్చాయి. త్వరలో సెన్సార్ కు వెళ్లనున్నాం. బహు భాషల్లో రూపొందిన ఈ చిత్రం ఇంత బాగా రావడానికి మాకు సహకరించిన మా ఫైర్ బ్రాండ్ మంచు లక్ష్మి గారికి స్పెషల్ థాంక్స్” అన్నారు.

ఈ చిత్రంలో నటీనటులు :

మంచులక్ష్మీ, శివకంఠంనేని , ఆదిత్య ఓం, ఎస్తర్ నోరోనా, శ్రీజిత ఘోష్, వెంకట్ కిరణ్, సత్యప్రకాష్, సుహాసిని, హ్యారీ జోష్, సమ్మెట గాంధీ, యోగికాత్రి, గడ్డం నవీన్, ఢిల్లీ రాజేశ్వరి, జెమినీ సురేష్, బీఎన్ శర్మ, శ్రావణి, జ్యోతి, అయేషా, రావుల వెంకటేశ్వరరావు, సాయి రాకేష్, వనితారెడ్డి, గూడా రామకృష్ణ, రవిరెడ్డి, దేవిశ్రీ ప్రభు, దుగ్గిరెడ్డి వెంకటరెడ్డి, రాధాకృష్ణ, స్నేహ, లీలావతి, శ్రీరామ్ రమేష్, శిల్పప్రతాప్ రెడ్డి, చిల్లూరి రామకృష్ణ, జోగిపేట ప్రేమ్ కుమార్ (జాతిరత్నాలు), మృత్యుంజయ శర్మ తదితరులు.

ఇది చదవండి : థియేటర్లలో నవ్వులు పూయించే ‘టిల్లు స్క్వేర్’…

సాంకేతికవర్గం :

సమర్పణ: రావుల వెంకటేశ్వరరావు
సినిమాటోగ్రఫీ: ఎస్ ఎన్ హరీష్
ఆర్ట్ : కేవీ రమణ
మ్యూజిక్ : మాధవ్ సైబా – సంజీవ్ మేగోటి, బి.సుల్తాన్ వలి, ఓపెన్ బనానా, లుబెక్ లీ మార్విన్.
సాహిత్యం: సాగర్ నారాయణ్, రాజాపురం శ్రీనాథ్, ఊటుకూరు రంగారావు, మనేకుర్తి మల్లికార్జున, రాజ్ కుమార్ సిరా
ఎడిటర్: పవన్ శేఖర్ పసుపులేటి,
ఫైట్స్: నటరాజ్
కొరియోగ్రఫీ : సన్ రేస్ మాస్టర్
పబ్లిసిటీ డిజైనర్ : రమణ బ్రష్
పి.ఆర్.ఓ: ధీరజ్ – అప్పాజీ
కో డైరెక్టర్: అక్షయ్ సిరిమళ్ళ
ఎగ్జిక్యూటివ్ ప్రొడ్యూసర్:
ఘంటా శ్రీనివాసరావు
సహ నిర్మాతలు: గోరెంట శ్రావణి- ప్రదీప్ కాటుకూటి- రవి దశిక- రవి మొదలవలస –
శ్రీరామ్ వేగరాజు.
నిర్మాత : ఎమ్.ఎస్.కె.
రచన, దర్శకత్వం: సంజీవ్ మేగోటి!!

Follow us on : Google News మరిన్ని తాజా వార్తల కోసం ఇక్కడ క్లిక్ చేయండి.

‘మండాడి’ని బ్లాక్ బస్టర్ హిట్ చేసిన తెలుగు ఆడియెన్స్‌కి థాంక్స్..12/09/2026

ప్యారడైజ్ నా కెరీర్‌లోనే ఎక్కువ కష్టపడి చేసిన సినిమా.12/09/2026

ఘనంగా ఇరుముడి బ్లాక్ బస్టర్ సెలెబ్రేషన్స్..11/09/2026

CVR న్యూస్ తెలుగు వాట్సాప్ ఛానల్ ను ఫాలో అవ్వండి

30/03/2024 0 comment

కేటీఆర్ పై క్రిమినల్ కేసు నమోదు…

by Prakash 30/03/2024

written by Prakash

బీ అర్ ఎస్ వర్కింగ్ ప్రెసిడెంట్ కేటీఆర్ పై బంజారా హిల్స్ పోలీస్ స్టేషన్లో క్రిమినల్ కేసు నమోదైంది. సీఎం రేవంత్ రెడ్డి 2500 కోట్లు వసూలు చేసి కాంగ్రెస్ పెద్దలకు పంపాడు అంటూ వ్యాఖ్యలు వేసిన కేటీఆర్ మీద బత్తిన శ్రీనివాస్ రావు అనే కాంగ్రెస్ నేత ఫిర్యాదు చేయడంతో ఆయన పై కేసు నమోదైంది. హనుమకొండ పోలీస్ స్టేషన్ లో కేసు నమోదు చేసి పోలీసులు బంజారా హిల్స్ కు పంపించారు. ఐ పీ సీ 504, 505(2) సెక్షన్ల కింద బంజారాహిల్స్ పోలీసులు కేసు నమోదు చేసారు.

30/03/2024 0 comment

Newer Posts

Older Posts

Breaking

Prakash

తిరుమల శ్రీవారి సేవలో పారిజాత పర్వం(Parijata Parvam) మువీ టీమ్

‘జితేందర్ రెడ్డి’ (Jithender Reddy) :

దర్శకుడు విరించి వర్మ మాట్లాడుతూ..

ముదుగంటి క్రియేషన్స్ అధినేత, నిర్మాత ముదుగంటి రవీందర్ రెడ్డి మాట్లాడుతూ..

జితేందర్ రెడ్డి నా సొంత ప్రాజెక్ట్ లాగా..

బిజెపి అభ్యర్థి గోమాసే శ్రీనివాస్ (Gomase Srinivas)..

పెద్దపల్లిలో బిజెపి గెలుపు ఖాయమైంది..

దేశమంతా మోదీ హవా నడుస్తోంది..

బిజెపి కార్యకర్తలు నిజమైన దేశభక్తులు..

నిజాయితీ గల పేదవాడికి, డబ్బు గల అవినీతి పరుడికి మధ్య యుద్ధం..

సుహాస్ హీరోగా ఓ భామ అయ్యో రామ (O Bhama Ayo Rama) ప్రారంభం…

టైటిల్ పోస్టర్ ఆవిష్కరణ..

సుహాస్ కొత్త‌గా ద‌ర్శ‌క‌త్వం చేసే వాళ్ల‌కు దొరికిన వ‌రం..

నటీనటులు మరియు సాంకేతిక వర్గం..

ఫైర్ బ్రాండ్ మంచు లక్ష్మీస్ “ఆదిపర్వం” (Adiparvam) ప్రచార చిత్రానికి అసాధారణ స్పందన !!!!

కన్నడ – హిందీ – తమిళ మలయాళ భాషల్లోనూ ట్రెమండస్ రెస్పాన్స్ !!

సోషియో ఫాంటసీ మల్టీ లింగ్యుల్ ఫిలిం ”ఆదిపర్వం”(Adiparvam)…

చిత్ర దర్శకుడు సంజీవ్ కుమార్ మేగోటి మాట్లాడుతూ…

ఈ చిత్రంలో నటీనటులు :

CVR NEWS