రాబోయే రెండు వారాల్లో సార్వత్రిక ఎన్నికల షెడ్యూల్ విడుదల కాబోతోందని ఫిబ్రవరి 2 లేదా 3వ వారంలో షెడ్యూల్ రావాలని ఆనం రామనారాయణ రెడ్డి తెలిపారు. కేంద్ర ప్రభుత్వ నిధులు గ్రామాల్లోకి సక్రమంగా రావడం లేదని, ఈ ప్రభుత్వ హయాంలో స్థానిక సంస్థలు పూర్తిగా నిర్వీర్యం అయ్యాయని ఆవేదన వ్యక్తం చేశారు. తనపై నేదురుమల్లి చేసిన ఆరోపణలకు రాబోయే ఎన్నికల్లో ప్రజలే బుద్ధి చెబుతారన్నారు. 40 ఏళ్ల రాజకీయ జీవితంలో తనపై వచ్చిన ఆరోపణలు ఎవరు నిరూపించ లేదన్నారు. వెంకటగిరి స్థానిక ఎమ్మెల్యేను, వైసీపీ పార్టీ నుండి నన్ను తొలగించారు కానీ, ఎమ్మెల్యే పదవి నుంచి మాత్రం ఎవరూ చేయలేరని అన్నారు. రాబోయే ఎన్నికల్లో రాష్ట్రంలో టీడీపీ విజయం సాధిస్తుందని, వెంకటగిరి నియోజకవర్గంలో ఇచ్చిన ప్రతి హామీని నిలబెట్టుకుంటామని ఆనం తెలిపారు.