కళ్యాణదుర్గం నియోజకవర్గ కేంద్రంలోని మార్కెట్ యార్డ్ లో వైఎస్ఆర్ కాంగ్రెస్ పార్టీ నాయకుడు, జిల్లా ఇన్చార్జి మంత్రి పెద్దిరెడ్డి రామచంద్రారెడ్డి ఆధ్వర్యంలో శనివారం పార్టీ కార్యకర్తల సమావేశం ఏర్పాటు చేశారు. ఈ కార్యక్రమాన్ని పురస్కరించుకుని ఏర్పాటుచేసిన ఫ్లెక్సీలను గుర్తుతెలియని వ్యక్తులు చించేశారు. జిల్లా గ్రంథాలయ సంస్థ మాజీ చైర్మన్ LM మోహన్ రెడ్డి ఆయన కుమారుడు LM విష్ణువర్ధన్ రెడ్డి ఫోటోలతో కూడిన ఫ్లెక్సీలు దొడగట్ట రోడ్డులోని బైపాస్ క్రాస్ వద్ద ఏర్పాటు చేశారు. వీటిని శుక్రవారం రాత్రి గుర్తుతెలియని వ్యక్తులు సగానికి కోసేశారు. ఇది స్థానికంగా చర్చనీయాంశమైంది. మోహన్ రెడ్డి రాజకీయ ఎదుగుదలను ఓర్చుకోలేని వారు ఎవరైనా ఇలా చేశారా? అనే కోణంలో చర్చ జరుగుతుంది. బీసీ ఈక్వేషన్ కింద తలారి రంగయ్య కు ఎమ్మెల్యే టికెట్ ఇవ్వడం జరిగిపోయింది. పార్టీ మరో ఆలోచన చేసి ఉంటే మోహన్ రెడ్డికే స్థానికంగా ఎమ్మెల్యే టికెట్ వస్తుందని ప్రచారం కూడా జరిగింది. ఈ నేపథ్యంలో మోహన్ రెడ్డి ఫోటోలతో కూడిన ఫ్లెక్సీలు తొలగించడాన్ని ప్రెస్టేజ్ గా తీసుకొని దుండగులను గుర్తించే పనిలో వైసీపీ నిమగ్నమైంది.

Follow us on : Facebook, Instagram, YouTube & Google News

ఇది చదవండి: జోతిర్లింగాన్ని దర్శించుకున్న గోపీచంద్..

మరిన్ని తాజా వార్తల కోసం ఇక్కడ క్లిక్ చేయండి.

CVR న్యూస్ తెలుగు వాట్సాప్ ఛానల్ ను ఫాలో అవ్వండి