దంతాలు బయటకు రాకముందే, శిశువులకు కొన్ని నోటి ఆరోగ్య సమస్యలు వచ్చే అవకాశం ఉంది . నోటి త్రష్ లేదా నోరు, నాలుకమీద తెల్లటి పూత. పసిపిల్లల నుంచే వారి నోటిని క్రమం తప్పకుండా శుభ్రం చేయడం ద్వారా ఓరల్ త్రష్ మాత్రమే కాదు ఇతర ఓరల్ హెల్త్ సమస్యలు రాకుండా ఉంటాయి. బాక్టీరియా చేరడం మరియు ఇతర దంత సమస్యలను నివారించడానికి తప్పనిసరిగా మీ శిశువు నాలుకను జాగ్రత్తగా చూసుకోవాలి. శిశువు యొక్క నాలుక మరియు చిగుళ్ళను శుభ్రం చేయడానికి కేవలం శుభ్రమైన కాటన్ బట్ట, మీ వేలు చాలు. నోరు, నాలుక, చిగుళ్లు, దంతాలు ఇవన్నీ కూడా నోటి కిందకే వస్తాయి. వీటన్నిటిని శుభ్రంగా ఉంచడం తప్పనిసరి.