అనంతపురం : కళ్ల ముందే భర్త హత్య జరగడంతో తట్టుకోలేక మనస్తాపంతో భార్య మృతి చెందిన ఘటన అనంతపురంలో చోటు చేసుకుంది. వన్టౌన్ సీఐ రెడ్డప్ప తెలిపిన వివరాల ప్రకారం.. నగరంలోని జేఎన్టీయూ సమీపంలో మూర్తి రావు గోఖలే(59), ఆయన భార్య శోభ(56) నివసిస్తున్నారు. మూర్తి రావు ఉద్యోగం ఇప్పిస్తానని గతంలో తన మేనల్లుడు ఆదిత్య దగ్గర డబ్బులు తీసుకున్నారు. ఈ విషయంలో ఆదివారం రాత్రి ఇరువురి మధ్య గొడవ జరిగింది. మాటామాటా పెరగడంతో కత్తితో ఆదిత్య.. మూర్తిరావు గొంతు కోసి హతమార్చాడు. కళ్ల ముందే భర్త మృతిచెందడంతో జీర్ణించుకోలేక ఆదివారం అర్ధరాత్రి శోభ గుండెపోటుతో మృతి చెందారు. దంపతుల మృతితో ఇంటివద్ద బంధువుల రోదనలు మిన్నంటాయి.
Follow us on : Facebook, Instagram, YouTube & Google News
ఇది చదవండి: రాష్ట్ర ముఖ్యమంత్రికి… ఘన స్వాగతం !
మరిన్ని తాజా వార్తల కోసం ఇక్కడ క్లిక్ చేయండి.
CVR న్యూస్ తెలుగు వాట్సాప్ ఛానల్ ను ఫాలో అవ్వండి
