మెగాస్టార్ చిరంజీవి వ‌రుస చిత్రాల‌తో స‌త్తా చాటుతున్నారు. ఇటీవ‌లే మ‌న శంక‌ర వ‌ర‌ప్రసాద్ చిత్రంతో బ్లాక్ బాస్టర్ అందుకున్నారు. తాజాగా ఆయ‌న కొత్త చిత్రం ప్రారంభ‌మైంది. చిరు కెరీర్‌లో 158వ మూవీగా ఈ సినిమా రూపుదిద్దుకుంటోంది. బాబీ ద‌ర్శక‌త్వంలో ఈ చిత్రం తెర‌కెక్కుతోంది. ఈ రోజు పూజా కార్యక్రమాల‌తో మొద‌లైంది. ముఖ్య అతిథులుగా ప‌వ‌న్ క‌ల్యాణ్, రామ్‌చ‌ర‌ణ్‌, నాగ‌బాబు, ద‌ర్శక నిర్మాత‌లు హాజ‌రు అయ్యారు.ఈ చిత్రాన్ని కేవీఎన్ ప్రొడక్షన్స్ పతాకంపై వెంకట్ కె. నారాయణ అత్యంత భారీ బడ్జెట్‌తో నిర్మిస్తున్నారు. ఈ చిత్రానికి త‌మన్ సంగీతాన్ని అందిస్తున్నారు. సినిమాటోగ్రాఫర్‌గా విజయ్ కార్తీక్, ఎడిటర్‌గా ఆంటోనీ ఎల్. రూబెన్, ఆర్ట్ డైరెక్టర్‌గా ఎ.ఎస్.ప్రకాష్ వ్యవహరిస్తున్నారు. వాల్తేరు వీర‌య్య త‌రువాత చిరంజీవి, బాబీ కాంబినేష‌న్‌లో ఈ చిత్రం వ‌స్తుండ‌డంతో ఈ మూవీపై ప్రేక్షకుల్లో భారీ అంచ‌నాలే ఉన్నాయి.