విజయవాడ లో బండి నిలిపితే పార్కింగ్ టోకెన్ చిరగాల్సిందే… వాహనాలు ఎక్కడ కనపడితే అక్కడకు వెళ్లి అక్రమ వసూళ్లకు పాల్పడుతూ ప్రజల సొమ్ము దోచుకుంటున్నారు. తాజాగా విజయవాడ కాళేశ్వరరావు మార్కెట్ లోని పోస్ట్ ఆఫీస్ వద్ద అనుమతి లేకుండా పార్కింగ్ వసూలు చేస్తూ సీవీఆర్ కెమెరా కు చిక్కారు. అదేమిటని ప్రశ్నించగా విజయవాడ లోని ఒక ప్రముఖ వ్యక్తి అండ తోనే ఈ వసూళ్లకు పాల్పడుతున్నట్లు స్పష్టం చేశారు. పలుమార్లు ఈ కేటుగాళ్ళను ఇదే విషయమై వాహనదారులు ప్రశ్నించగా గొడవలకు దిగి వసూళ్లకు పాల్పడుతున్నారు. విజయవాడలో ఇలాంటి అక్రమ పార్కింగ్ వసూళ్లకు పాల్పడుతున్న ముఠాలు అనేకం, ఇప్పటికైనా మున్సిపల్ అధికారులు వీరిపై చర్యలు తీసుకోవాలని స్థానికులు వాపోతున్నారు.