ఆడుదాం – ఆంధ్ర ఆటలో భాగంగా అంతరాష్ట్ర రహదారి మార్గంలో వినూత్న రీతిలో నిరసన చేయడం జరిగింది. పార్వతీపురం మన్యం జిల్లా కొమరాడ మండల కేంద్రంలో ఆడుదాం – ఆంధ్ర అనే ఆటలో భాగంగా మండల కేంద్రానికి అతి సమీపంలో అంతరాష్ట్ర రహదారి మార్గంలో ఉన్న గోతులు వద్ద వినూత్న రీతిలో కబడ్డీ, వాలీబాల్, క్రికెట్ ఆడుతూ ఆ గోతుల్లో నిరసన కార్యక్రమం జరిగింది. ఈ కార్యక్రమంలో సిపిఎం పార్టీ జిల్లా కమిటీ సభ్యులు కొల్లి సాంబమూర్తి, తెలుగుదేశం పార్టీ నాయకులు బత్తిలి శ్రీనివాసరావు, జనసేన పార్టీ నాయకులు మరడాన రామకృష్ణ ఆధ్వర్యంలో నిరసన వ్యక్తం చేశారు.