రాయదుర్గం పట్టణంలోని తెలుగుదేశం పార్టీ కార్యాలయంలో నారా లోకేష్ బాబు జన్మదిన వేడుకలను ఆ పార్టీ నాయకులు, కార్యకర్తలు మంగళవారం ఘనంగా జరుపుకున్నారు. వినాయక సర్కిల్లో మాజీ జిల్లా పరిషత్ చైర్మన్ పూల నాగరాజు ఆధ్వర్యంలో కేక్ కోసి సంబరాలు జరుపుకున్నారు. రాయదుర్గం శాంతినగర్ లోని ఎన్టీఆర్ విగ్రహానికి మాజీ మంత్రి కాల్వ శ్రీనివాసులు తనయుడు కాల్వ భరత్ ఆధ్వర్యంలో తెదేపా నాయకులు, కార్యకర్తలు పూలమాలలు వేసి ఘనంగా నివాళులర్పించారు. అనంతరం రాయదుర్గం పట్టణంలో ద్విచక్ర వాహనాలతో భారీ ర్యాలీ చేశారు. తెలుగుదేశం పార్టీ కార్యాలయంలో కేక్ కోసి సంబరాలు జరుపుకున్నారు. తన అభిమాన నాయకుడు జన్మదిన వేడుకలను తెలుగుదేశం పార్టీ నాయకులు, కార్యకర్తలు ఎంతో ఉత్సవంతో జరుపుకున్నారు.