ఏ.పీ. జెఎసి రాష్ట్ర సంఘం కార్యాచరణలో భాగంగా ప్రకాశం జిల్లా మార్కాపురం తాలూకా యూనిట్ ఏ.పీ. జేఏసీ ఆధ్వర్యంలో ఉద్యోగ సంఘాలు ఎన్జీవో హోం లో ధర్నా నిర్వహించారు. ఈ సందర్భంగా జేఏసీ అధ్యక్షులు మాట్లాడుతూ 12 వ పిఆర్సి బకాయిలను వెంటనే విడుదల చేయాలని, ఐ.ఆర్(iR) ను వెంటనే ప్రకటించాలని, సిపిఎస్ ను వెంటనే అమలు చేయాలని ధర్నా లో డిమాండ్ చేశారు. ఉద్యోగ సంఘాల నాయకులు ర్యాలీగా బయలుదేరి సబ్ కలెక్టర్ కార్యాలయంకు వెళ్లి నిరసన తెలిపి అనంతరం సబ్ కలెక్టర్ రాహుల్ మీనాను కలిసి డిమాండ్లతో కూడిన వినతిపత్రాన్ని అందజేశారు. ఈ కార్యక్రమం లో ఏ.పీ.జేఏసీ అధ్యక్షులు మార్కాపురం తాలూకా యూనిట్ ఉద్యోగ సంఘాల నాయకులు, పలు శాఖల ఉద్యోగులు పాల్గొన్నారు.