ప్రచార యాత్రలో అస్వస్థతకు గురైన పవన్‌ కళ్యాణ్‌ | Pawan Kalyan Health

పవన్‌ కళ్యాణ్‌కు అస్వస్థత, ప్రచార యాత్రలో అస్వస్థతకు గురైన పవన్‌ కళ్యాణ్‌ హుటాహుటిన హైదరాబాద్‌కు బయల్దేరారు. కొన్ని రోజులగా పవన్‌ కళ్యాణ్‌ జ్వరంతో బాధపడుతున్నట్లు సమాచారం. పిఠాపురం నియోజకవర్గం నుంచి బరిలోకి దిగనున్న పవన్‌ కల్యాణ్‌ వారాహి విజయభేరి షెడ్యూలును ముందుగానే ఖరారు చేయడంతో వాయిదా వేయడం ఇష్టంలేక హాజరయ్యారు. ఆరోగ్యం సహకరించకున్నా వైద్యం పొందుతూనే శనివారం ఎన్నికల ప్రచారం మొదలు పెట్టారు.

Follow us on : Google News మరిన్ని తాజావార్తల కోసం ఇక్కడ క్లిక్ చేయండి.

ఆదివారం శక్తిపీఠాన్ని సందర్శించుకున్న అనంతరం జనసేన- టీడీపీ- బీజేపీ నేతలతో ఆత్మీయ సమావేశం నిర్వహించి శ్రేణులకు దిశానిర్దేశం చేశారు. అత్యవసర సమావేశం కోసం ఆదివారం సాయంత్రం హెలికాప్టర్‌లో హైదరాబాద్‌ వెళ్లిన పవన్ కళ్యాణ్.. సోమవారం ఉదయం మళ్లీ పిఠాపురం చేరుకుంటారని.. మిగిలిన రెండురోజుల పర్యటన పూర్తి చేస్తారని జనసేన వర్గాలు తెలిపాయి. పవన్ కళ్యాణ్ అనారోగ్యంపై అభిమానులు, జనసైనికులు ఆందోళనలో ఉన్నారు.

CVR న్యూస్ తెలుగు వాట్సాప్ ఛానల్ ను ఫాలో అవ్వండి