మూడు రాజధానుల పేరుతో జగన్ ప్రభుత్వం మూడు ముక్కలాట ఆడుతోందని టీడీపీ జాతీయ ప్రధాన కార్యదర్శి నారా లోకేష్ మండిపడ్డారు. మరో రెండు నెలల్లో తెలుగుదేశం – జనసేన ప్రభుత్వం ఏర్పడుతుందన్నారు. అనకాపల్లి జిల్లా మాడుగులలో నిర్వహించిన ‘శంఖారావం’ సభలో నారా లోకేష్ మాట్లాడారు. విశాఖ ఉక్కు పరిశ్రమ ప్రైవేటీకరణ జరగకుండా చూసే బాధ్యత తనదేనన్నారు. ఐదేళ్లుగా యువతకు ఉద్యోగ అవకాశాలు లేకుండా పోయాయని ఆవేదన వ్యక్తం చేశారు. విశాఖకు పెద్ద ఎత్తున ఐటీ పరిశ్రమలు తీసుకొస్తామని భరోసా ఇచ్చారు. వచ్చే ఎన్నికల్లో టీడీపీ – జనసేనను గెలిపించండి.. అభివృద్ధి అంటే ఏంటో చూపిస్తామన్నారు. పార్టీలో సీనియర్లు, జూనియర్లను గౌరవిస్తానని, అయితే పనిచేసేవాళ్లనే ప్రోత్సహిస్తాని తెలిపారు. ప్రజల్లో ఉండేవారిని వెతుక్కుంటూ వచ్చి నామినేటెడ్ పోస్టులు ఇస్తామని లోకేష్ స్పష్టం చేశారు.
Follow us on : Facebook, Instagram & YouTube.
మరిన్ని తాజా వార్తల కోసం ఇక్కడ క్లిక్ చేయండి.
Total views : 90858