కుప్పం మండల పరిధిలోని వసనాడుకు చెందిన శివ శంకర్ కు ముల్లూరు కృష్ణాపురంకు చెందిన హిమబిందుకు 13-10- 2016 న వివాహమయ్యింది. కాగా పెళ్ళైన 6 నెలల నుండి హిమబిందు ను తన భర్త శివ శంకర్ వేధింపులకు గురి చేస్తున్నాడని హిమంబిందు వాపోయింది. ఈ సందర్భంగా ఆమె మాట్లాడుతూ, తనకు పిల్లలు పుట్టలేదనే నెపంతో తన భర్త శివ శంకర్ కుటుంబీకులు తనను వేధిస్తున్నారని ఆవేదన వ్యక్తం చేసింది. శివశంకర్ కుటుంబీకులు తనపై దాడి చేసి వేధింపులకు గురి చేస్తున్నారని కన్నీటి పర్యంతమైంది. తనకు తెలియకుండా గత ఆరు నెలలకు ముందు బీహార్ కు చెందిన మైనర్ బాలికను శివశంకర్ పెళ్లి చేసుకున్నారని, గత వారం ముందు మైనర్ బాలికను ఇంటికి తీసుకొచ్చారని పేర్కొంది. రెండో పెళ్లి ఎందుకు చేసుకున్నావు అని నిలదీయడంతో, తనను కొట్టి తనను చిత్రహింసలకు గురిచేస్తున్నారని ఆరోపించింది. ముల్లురు కృష్ణాపురం గ్రామంలో అర్ధరాత్రి సమయంలో కారులో తీసుకొచ్చి పడేశారని హిమబిందు వాపోయారు. సంబంధిత అధికారులు స్పందించి శివశంకర్ పై చర్యలు తీసుకొని తనకు న్యాయం చేయాలని హిమబిందు కోరారు.
Follow us on : Facebook, Instagram, YouTube & Google News
ఇది చదవండి: తిరుపతిలో రాజకీయాలు రసవత్తరంగా మారాయి.
మరిన్ని తాజా వార్తల కోసం ఇక్కడ క్లిక్ చేయండి.
CVR న్యూస్ తెలుగు వాట్సాప్ ఛానల్ ను ఫాలో అవ్వండి
