విజయనగరం జిల్లా మెంటాడ గ్రామంలో రానున్న ఎన్నికల దృశ్య మెంటాడ గ్రామంలో జనసేన పార్టీ కార్యాలయాన్ని ప్రారంభించే ముందుగా సంత తోట నుండి పార్టీ కార్యాలయం వరకు భారీ ఊరేగింపుగా వెళ్లి గజపతినగరం జనసేన నాయకురాలు పడాల అరుణ పార్టీ కార్యాలయాన్ని ప్రారంభించారు. ఈ కార్యక్రమానికి ముఖ్యఅతిథిగా జనసేన రాష్ట్ర ప్రధాన కార్యదర్శి పాలవలస యశస్వినీ పాల్గొన్నారు. అనంతరం ఏర్పాటుచేసిన బహిరంగ సభలో పడాల అరుణ మాట్లాడుతూ ఈ జగన్ అరాచకపాలనకు చరణగీతం పాడవలసిన అవసరం ఎంతైనా ఉందని టిడిపి జనసేన పోత్తులలో భాగంగా జనసేన కార్యకర్తలు కష్టపడి పనిచేయాలని కోరారు. అనంతరం జనసేన రాష్ట్ర ప్రధాన కార్యదర్శి పాలవలస యశస్విని మాట్లాడుతూ ప్రస్తుత రాష్ట్ర ప్రయోజనాలను దృష్టిలో పెట్టుకుని టిడిపి జనసేన పొత్తుల్లో భాగంగా ఉమ్మడి కార్యకర్తలు సఖ్యతతో పనిచేసి ఇరు పార్టీలలో ఎవరికి టికెట్ వచ్చినా విభేదాలు లేకుండా పనిచేయాలని కోరారు.
మరిన్ని తాజా వార్తల కోసం ఇక్కడ క్లిక్ చేయండి.