చలికాలంలో చల్లటి గాలులు, పెదవులు పొడిబారడం, శరీరంలో నీటి శాతం తగ్గడం, విటమిన్ లోపం ఇంకా పెదవులను నాలుకతో తడపడం వంటి కారణాల వల్ల పెదవులు పగులుతాయి. పగిలిన పెదవుల వల్ల చలికాలంలో చాలా మంది బాధపడుతూ ఉంటారు. చాలా మంది ఈ సమస్య నుండి బయటపడడానికి లిప్ బామ్ లను ఇంకా లిప్ కేర్ లను వాడుతూ ఉంటారు. అయితే ఈ చిట్కాలు మీ కోసమే. పెదవుల పగుళ్లను తగ్గించే చిట్కాలు గురించి ఇప్పుడు తెలుసుకుందాం. ఈ చిట్కాను వాడడం వల్ల పెదవులు పొడిబారడం తగ్గి మృదువుగా, తేమగా ఇంకా అందంగా తయారవుతాయి. పెదవులకు వెన్న రాసుకోవడం వల్ల కూడా మంచి ఫలితం ఉంటుంది. వెన్నలో పంచదార వేసి పెదవులపై నెమ్మదిగా రాస్తూ మర్దన చేసుకోవాలి. ఇలా చేయడం వల్ల పెదవులపై ఉండే మృతకణాలు, పొరలు తొలగిపోవడంతో పాటు పెదవులు మృదువుగా తయారవుతాయి. అలాగే పెదవులు గులాబిరంగులో మెరుస్తూ ఉంటాయి. పెదవులకు కొబ్బరి నూనె రాసుకోవడం వల్ల పెదవుల పగుళ్లు తగ్గుతాయి. పెదవులు పొడిబారకుండా ఉంటాయి. వేళ్లతో నువ్వుల నూనెను తీసుకుని పెదవులపై రాసి మర్దన చేసుకోవాలి. ఇలా చేయడం వల్ల తగినంత తేమ లభించి పెదవుల పగుళ్లు తగ్గుతాయి. కలబంద గుజ్జును వాడడం వల్ల మంచి ఫలితం ఉంటుంది. పెదవులపై కలబంద గుజ్జును రాసి అరగంట పాటు అలాగే ఉంచాలి. తరువాత నీటితో శుభ్రం చేయాలి. ఇలా రోజూ చేయడం వల్ల పెదవులు తేమగా ఉండడంతో పాటు పగుళ్లు కూడా తగ్గుతాయి.
Tag:
Sesame oil
గుండె ఆరోగ్యంలో ఆహారం కీలక పాత్ర పోషిస్తుందని మరోసారి రుజువైంది. నువ్వులనూనె, తవుడునూనె కలిపి వాడితే అధిక రక్తపోటు తగ్గుతున్నట్టు మనదేశంలో చేసిన అధ్యయనంలో వెల్లడైంది. అధిక రక్తపోటు బాధితులకు పక్షవాతం, గుండెజబ్బు ముప్పు ఎక్కువన్నది తెలిసిందే. అధిక రక్తపోటుతో బాధపడేవారు రోజువారీ ఆహారంలో భాగంగా సుమారు 40 గ్రాముల మేరకు నువ్వులనూనె, తవుడునూనె కలిపి తీసుకుంటే.. రక్తపోటు తగ్గుతున్నట్టు పరిశోధకులు గుర్తించారు. ఈ తగ్గుదల రక్తపోటు తగ్గటానికి వేసుకునే మందులతో (క్యాల్షియం ఛానెల్ బ్లాకర్స్) సమానంగా ఉండటం గమనార్హం. కేవలం మందులు వేసుకునేవారితో పోలిస్తే.. మందులతో పాటు నూనెల మిశ్రమాన్ని వాడినవారిలో రక్తపోటు రెండు రెట్లు తగ్గటం విశేషం. ఈ నూనెల మిశ్రమంతో చెడ్డ (ఎల్డీఎల్) కొలెస్ట్రాల్ తగ్గటంతో పాటు మంచి (హెచ్డీఎల్) కొలెస్ట్రాల్ పెరుగుతోందనీ పరిశోధకులు చెబుతున్నారు. నువ్వుల నూనె రక్తపోటుపై గణనీయమైన ప్రభావం చూపుతుందని, ఇది కూడా క్యాల్షియం ఛానెల్ బ్లాకర్ మందుల్లా ప్రభావం చూపుతుందని గతంలో తేలిందని అధ్యయనానికి నేతృత్వం వహించిన డాక్టర్ దేవరాజన్ శంకర్ పేర్కొంటున్నారు. అయితే దీనికి తవుడు నూనె కూడా తోడైతే మరింత మంచి ఫలితం కనబడుతోంది. నువ్వులనూనెలోని సీసమిన్, సీసమోల్, సీసమోలిన్.. తవుడునూనెలోని ఓరీజనోల్ అనే యాంటీఆక్సిడెంట్లు ఇందుకు దోహదం చేస్తున్నాయని పరిశోధకులు భావిస్తున్నారు. ఈ రెండు నూనెలూ అసంతృప్త కొవ్వు ఆమ్లాలు (మంచి కొవ్వులు) కలిగున్నాయంటున్నారు.
నిరభ్యంతరంగా వాడుకోవచ్చు. వెజిటబుల్ ఆయిల్స్ కలిపినందువలన ఒక దానిలో ఉన్న ప్రయోజనాల కంటే పలు ప్రయోజనాలు లభించినట్టే కదా. sunflower, ఆలివ్ , కనోలా, కోకోనట్ ఇలా పలు నూనె లను ఒకదానితో ఒకటి కలిపి వాడుకోవచ్చు. ఉదాహరణకు పల్లి నూనె నువ్వుల నూనే కలిపి ఒక పూట వండితే మరోసారి కుసుమ, ఆవ నూనె కలిపి వండండి, మరో సారి సన్ ఫ్లవర్ ని ఆలివ్ తో కలిపి చూడండి. ఎంత రేషియో లో మిక్స్ చేయాలి అనేది మీ మీ ఇష్టం.. ఉదాహరణకు పల్లి నూనె అలవాటు ఉంటే అది మూడొంతులు తీసుకొని ఒకవంతు నువ్వుల నూనె కలుపుకోవచ్చు. ఒకే నూనె మాత్రం వాడకుండా ఉంటేనే మంచిది.
Total views : 147296