అంతర్రాష్ట్ర దొంగల ముఠా అరెస్ట్..

అంతర్రాష్ట్ర దొంగలను చేకచక్యంగా పట్టుకున్నారు మదనపల్లి పోలీసులు. అమాయక ప్రజలను బురిడీ కొట్టించి వీరి వద్ద ఉన్న నకిలీ బంగారాన్ని అమాక ప్రజలకు అమ్మి సొమ్ము చేసుకుంటున్న ఏడుగురు ముఠా సభ్యుల ను మదనపల్లి పోలీసులు ఎట్టకేలకు కటకటాలలోనికి పంపారు. మా భూమిలో లంకె బింద దొరికింది, బయట విక్రయించాలంటే వివిధ శాఖల అధికారులతో సమస్యలు ఉంటాయని, కుటుంబ అవసరాల కోసం గుట్టుగా బంగారాన్ని అమ్ముకోవాల్సి వచ్చిందని నమ్మించి నకిలీ బంగారు పూసలు ఇచ్చి ఘరానా మోసానికి పాల్పడే అంతర్రాష్ట్ర దొంగల ముఠాను మదనపల్లి ఒకటో పట్టణ పోలీసులు మంగళవారం అరెస్టు చేశారు. నకిలీ బంగారం సెల్ ఫోన్లు సీజ్ చేసి ఏడుగురని అరెస్టు చేసినట్లు డి.ఎస్.పి, కేశప్ప, సీఐ మహబూబ్బాషా తెలిపారు.