బీజేపీ కార్యకర్తలు దేశాభివృద్ధిలో కీలక పాత్ర పోషిస్తున్నారని ప్రధాన మంత్రి నరేంద్ర మోదీ అన్నారు. ఢిల్లీలో జరుగుతున్న బీజేపీ జాతీయ కౌన్సిల్ సమావేశాల రెండోరోజు కార్యక్రమంలో పాల్గొన్న మోదీ కార్యకర్తలను ఉద్దేశించి ప్రసంగించారు. పార్టీని మరోసారి అధికారంలోకి తీసుకురావడానికి బీజేపీ పార్టీ కార్యకర్తలు ఎంతో కష్టపడుతున్నారని కితాబునిచ్చారు. వచ్చే వంద రోజులు ఎంతో కీలకమని తెలిపారు. 18 ఏళ్లు నిండిన వారంతా 18వ లోక్సభ ఎన్నికలకు ఓటు వేయబోతున్నారని అన్నారు. సబ్ కా సాత్.. సబ్ కా వికాసే బీజేపీ లక్ష్యమని మోదీ గుర్తుచేశారు. పార్టీ శ్రేణలు ప్రతి ఇంటికి, ప్రతి ఓటరు వద్దకు చేరుకోవాలని సూచించారు. గత పదేళ్లలో దేశ రూపరేఖలు మారాయని ప్రధాని అన్నారు. లోక్ సభ ఎన్నికల్లో 370 సీట్లు గెలవడమే లక్ష్యమన్నారు. దేశ భవిష్యత్తుపై కాంగ్రెస్కు విజన్ లేదని… దేశ అస్థిరతకు కాంగ్రెస్ పార్టీ ప్రధాన కారణమని ఆరోపించారు. కులాల ఆధారంగా ప్రజలను విభజించాలని కాంగ్రెస్ పార్టీ కుట్రలు పన్నుతోందని మోదీ విమర్శించారు. Read Also..
Follow us on : Facebook, Instagram & YouTube.
మరిన్ని తాజా వార్తల కోసం ఇక్కడ క్లిక్ చేయండి.
