లోక్సభ ఎన్నికలు సమీస్తున్న వేళ.. మంత్రివర్గ విస్తరణపై తెలంగాణ ప్రభుత్వం దృష్టి సారించింది. ఎన్నికల షెడ్యూల్ వెలువడేకంటే ముందుగానే రాష్ట్ర మంత్రివర్గంలోకి మరో ఆరుగురిని తీసుకునేందుకు పార్టీ అధిష్టానం గ్రీన్ సిగ్నల్ ఇచ్చేసినట్టు తెలుస్తోంది. ఈ మేరకు ఆరుగురితో కూడిన లిస్ట్ తీసుకొని, రేవంత్ రెడ్డి త్వరలోనే ఢిల్లీకి వెళ్లి అధిష్టానంతో భేటీ కానున్నారు. ప్రస్తుత మంత్రివర్గంలో హైదరాబాద్, ఉమ్మడి నిజామాబాద్, ఆదిలాబాద్ జిల్లాలకు ప్రాతినిథ్యం లేదు. దీంతో ఆ జిల్లాల వారికి ఈసారి ఛాన్స్ దక్కనుంది. నిజామాబాద్ జిల్లా నుంచి మదన్ మోహన్ రావు, సుదర్శన్ రెడ్డి రేసులో ఉండగా, ఆదిలాబాద్ నుంచి ప్రేమ్ సాగర్ రావు పేరు వినిపిస్తోంది. వీరితో పాటు కోమటిరెడ్డి రాజగోపాల్ రెడ్డి, మహేశ్ కుమార్ గౌడ్, బల్మూరి వెంకట్ ఎమ్మెల్సీ కోటాలో మంత్రి పదవులు ఆశిస్తున్నవారిలో ఉన్నారు. మరి వీరిలో సీఎం రేవంత్ ఎవరికి ఛాన్స్ ఇస్తారో వేచి చూడాల్సిందే.
Follow us on : Facebook, Instagram & YouTube.
మరిన్ని తాజా వార్తల కోసం ఇక్కడ క్లిక్ చేయండి.
Total views : 80291